لاڤندر .

33

لاڤـندر ..
لزهـراء عـلي .
-----------
- تفاعلو .

أيلين ..

سلمت عليها و عفتها و رحت للمطبخ سلمت على البنات و هـبه و صعدت لغرفتي حـتى ابدل ، دخلت و نزعت عباتي و شالي شفت موبايلي على الميز فتحته من سمعت صوت الاشعار صدر منه ..

لگيت چسَر دازلي رساله مضمونها ..
" ما مقتنع بسبب روحتج جُماره ، اذا محبوبه و جماعتها ضوجنج احجيلي "

گعدت على الجربايه اباوع لاحروفه و افكر ، اگُله السبب الحقيقي لو اسكت ، بعد تفكير طويل غلقت الموبايل و عفته و گمت بدلت لبست دشداشه مرتبه لونها بنفسجي غامق و شال و خليت مكياج خفيف و اخذت موبايلي و نزلت ،

سمعت من امي اليوم عدنه عزيمه على العشه و بدينه بالتحضيرات و صارت ڪُلش جبيره و هواي زلم اجت بحيث نصبوا طبلات بالعراضه ما كفه الديوان ، واگفه اطلع من المُجمده كاسات ماي و دخل فلاح باوعلي و باوع لدشداشتي و طلع ،

غسلت عليه و رجعت للنسوان ، صرنه كلنه بالصاله فرشنه السُفره و فطرنه و من كملنه بس صبينه الجاي و راحوا اهل عبير ، انه اخلص من منار تطلعلي عبير حـتى من راحوا خزرتني و راحت ، هزيت ايدي و ضحكت على عقلها ، اجتني و رحنه للطارمه نغسل اماعين ..

باوعتلهن هـبه ما موجوده گلتلهن ..
أيلين : جاا هـبه وين ؟

أيناس : طاح تشريب على هدومها من شلنه الجدر و راحت تغسل و تبدل .

أيلين : خُـوشَ .

گعدنه نجلف اني وياها و نسولف و وره شويه اجت هـبه گعدت و گامت تغسل الاماعين و نسولف لحـد ما حسيت صوت قوي اخترق طبله أذني و ظل الصدى يتردد بيها !

ْ

هـبه ..

جريت النفس گوه و أني استوعب الصار بيـه !، احس الألم اكل روحي و استنزف كُل طاقتي بـعد ما اگدر لا احجي و لا اتحرك ..

شفته يركض من بعيد طر النسوان وخرهن مني و گعد شالني بأيده المفصوخه و خلاني بحضنه يحاجيني وانـه
حسيت الوجع فطر راس بالنص ..

و فقدت ما گدرت اقاوم اكثر ، ما حسيت بـشي لمن فتحت عيوني اضاءة قويه بعيوني من قوتها ظليت افتح و اسد بيهن حـتى استوعب قوتها ، اسمع اصواتهم بس مو واضحه ڪُلش بعيده احسها عني ..

رجعت غمضت من يأست أني افهم الصار ، وره شويه رجعت فتحت عيني من حسيت بألم شديد بـراسي و اسمع اصوات زلم ميزت صوت أيَهم منهم يحجي بصوت عالي و يحذرر ..

أيَهم : قسمًـااا بالله اااذا صار بـحرررمتي شيي اطلععع الفاعلل من جووه الگاع كائنًـااا من كاااان و حاظرركمم يبللغ الغاايبب .