لاڤـندر ..
لزهـراء عـلي .
----------
- تفاعلو .
الساعه بـ9 الصبح ، فلاح اجه هو و 6 سيارات وراه و جان مخلي اباله اليوم يدخل البيت وياخذه مُبتغاه حتى لو على جثة رفيج عُمره !
بس الغريب انه ما لگه مخلوق بالباب مال البيت !، لٱ چسَر ولا زلمه و لٱ حتى حارسهم ، و جان الجوا حيل هادء و بـبتسامة نصر و استعارض قوه گال فلاح لـعباس و هو يلعب بـشاربه ..
فلاح : گتلك بس حجي و تراه فارغ ، شوفت عينك من گتله راح اجيك حمل زلمه و شرد !
عباس : ما اضن !
فلاح : شتقصد ؟؟
عباس : فلاح لٱ تنسه چسَر موش هين ولا غبي و جبان حتى يعوف امانته هيج ، انه اگولن مسويلنه فخ !
فلاح : يجوز ، سالم انتم احموا ظهرنه راح نطب للبيت ظلوا هناا خاف يچفتونه .
سالم : عد عيناك .
فلاح : يلا عباس سلاحك ارفعه ..
دخلوا عباس وفلاح للبيت و لگوهن گلهن گاعدات بالصاله ، طب فلاح نافخ روحه و وگف گبال بيبيته الـجانت گاعده بصفها أيلين .. گامت و اتقدمت لـفلاح بنظرات گويه و صلبه و گالت بدون خوف ..
أيلين : هاا يـبن عمي ياهو حصتكم اليوم ؟.
فلاح : هههه ، ليش انه خليت واحد ؟
أيلين : حقك چاا غير موش گدها تسوي هيج و هُمه موجودين .
اتقرب فلاح لأيلين اكثر و جان يباوعلها بنظرات مُستفزه و گال ..
فلاح : گدها موش گدها المُهم سويتها ، و اليوم يومي و شوفي شسوي .. من طردتي عباس و انه حاطج ابالي و گطعت وعد وي روحي خشمج هذا الرافعته بجال اخوج الا اكسره و انزله الج .
أيلين : هههههه ليش عبالك مثل هاي النسوان انه ؟! .. اعلى ما بخيلك اركبه .
فلاح : اعرفنج گويه و هذا اليعجبني بيج .
أيلين : شعبالك اخاف منك ؟
فلاح : بعدج بعدج ما شايفتني عدل .
أيلين : هههههههههه ، انه تريدني اخاف من واحد انهان گدام عمامه و ولد عمه و مرته و ظل ساكت ؟
فلاح : ما سكتت و جاي اوخر العقبات وحده وحده ، و اولهم اخوج الجاني تالي وكت و يريد ياخذ مچاني ، الصار هسه جنازه متانيه يدفنونها !
ام أيَهم : يُمهه وليددييي .
هبه : أيَهم !
أيلين : وحگ الخلگني ما اخاف منك و لٱ تهز شعره مني لو جايب وياك جنازة اخوي أيَهم ، انه ذيبه و ما اهاب بس الذياب موش البعاير !
و حجاية أيلين جانت اهانة چبيره و ڪُلش واضحه ، و فلاح ما سكت و رفع ايده يريد يضربها بس اجته طلقه بأيده نحثرت دمه بالگاع !
أنت تقرأ
لاڤندر .
Literatura Femininaرأت زهرة لاڤندر عند جيران عمامها فـغيرت لـها هذه الزهرة مجرى حياتها !.. رواية حقيقه حدثت في العـراق في شتاء ٢٠١٤ ، فـتاة مـن شمال الـعراق تجد نصيبها فـي جنوبـهُ . - بـقلمي أنا .. زهراء علي . - باللهجة العراقية . - روايه تحوي بين كلمات سطورها العُنف...
