لاڤندر .

35

لاڤـندر ..
لزهـراء عـلي .
———————————
- تفاعلو .

أيلين ..

خلصت أيام العيد و جانت احلى أيام ، الگلوب صافيه و الوجوه فرهه و بس تضحك و مخلصينها عيديات نقط بالرايح و الجاي أني و هـبه و أيناس و نرجس ..

و بَـعد بس 24 سَاعـه تفصلني عـن عرسي !..
سويت حفلة بـبيتنه بالصاله بسيطه بيناتنه احنه و عماتي و نسوان عمامي و نسوان خوالي و بناتهم ، نسوان أل عَـناد ما يگدرن يجن لأن جماعة چسَر مسويله حنه و هنه گالت جُمانه مسويات حفله بيناتهن، عزمنه بس عيال أيناس و خوالي ..

تعشينه و اجن كلهن ظلن يسولفن و أني صعدت احظر روحي و البنات اجن وراي ..

اختاريت البس فُستانين بس واحد احمر ضيگ و قصير و الثاني بُني فاتح منفوش شويه ..

خليت مكياج بُـني و سرحت شعري و لبست الفستان البُني أول واحد و حذاء كعب مُريحه بلونه و لبست طقم الماس ، كملت و انتبهت للبنات جنت فاصله عنهن ..

هَـبه لابسه فُستان ازرق فاتح منفوش و قصير فوگ الركبه و گاعده تتمكيج ، و أيناس لابسه فُستان اسود ضيگ و طويل و بي فتحه للفُخذ و من فوگ صدره عدل وبي كرستال ، و نرجس لابسه فُستان وردي بسيط ضيگ بس اكتافه نازله و قصير ،

كملهن كلهن و وگفنه ناخذ صور و أيناس خلت نرجس تاخذلها صور وحدها گلتلها ..

أيلين : المن تاخذين صور ؟

أيناس : علي گالي .

أيلين : أيناس لا اطوخينها ما تدرين الأيام شضامتلج .

أيناس : ليش محسستني ماخذه واحد ابن شوارع ؟، تراا الرجال ابن اصل و فصل و اهله شيوخ ديوانهم شكبره واني بعد صرت مرته اذا دزيتله صوره شراح يسوي بيها يعني ؟

هـبه : حـتى لو أيناس خاف لا قدر الله تنفصلون يضيع موبايله فد شي انتِ الواگعه بيها تراا .

أيلين : بكيفج اني بعد نصحتج .

هيَّ ظلت ساكته ما گالت شي و احنه صار لازم ننزل ، خليت من عطري و نزلت اني قبلهن وهنَّ وراي ،

جان الكُل گاعد و أريام مستلمه الديجي خلت أغاني و بدت البنات ترگص و رگصنه و تونسنه و صعدت بدلت لبست فُستاني الثاني الأحمر و ظليت صافنه على نفسي بالمرايه من گد ما حلـۈه طلعت ، گلت ما افوتها و صورت كم صوره على المرايه بحيث طالعه كلي بيها و دزيتها لچسَر ،

سديت الموبايل واني افكر احس عيب السويته بس بعيدن اگول لا هوَ صار زوجي عادي ادزله صوري ، و أني بس اضطرابي اجتني هـبه گالت يلا النسوان منتظره و نزلنه ..

گعدت على الكوشه و اجت أُمي خلت بأيدي حنه و شدتها بشريط احمر و هي دموعها تجري واني من شفتها ردت ابجي بس گوه لزمت روحي ..