لاڤندر .

36

لاڤـندر ..
لزهـراء عـلي .
-----------
- تفاعلو .

هـبه ..

رحنه للصالون وي أيَهم جان طول الوكت ضايج و عاگد حواجبه حـتى ما حجـه شي وياي ، نزلنه و استقبلتنه البنيه جانت حبابه ، بلشنه بالمكياج سويته الأيشادو بُني و ذهبي و الحُمره بُني ، كملنه و سوتلي التسريحه بس بُرمته و اخذت خصله من الجهتين لـوره ،

كملنه و لبست فُستاني بغرفة التبديل أيَهم ما يعرفه شنو اشتريته من طلعنه اني و أيلين نجهز ، خليت عطر و لبست ذهبي و عدلت شعري و طلعت جانت عمتي وي أيلين تلبسها بالغرفة الثاني دخلتلهن لگيتها مبدله و مكمله و عمتي واگفه تباوعلها و الدمعه بطرف عينها ..

هلهلت و باركتلها و حضنتها و گوه سكتنه عمتي لمن اجه أيَهم لبست عباتي و شالي و لميت غراضنه وي عمتي و طلعنه ساعدت أيلين تصعد و صعدت بصفها من سديت الباب باوعت للمرايه لگيته يباوعلي و يدخن لمن گالتله عمتي يلا صعدنه يلا حرك السيارة ..

جنت مركزه عليه رُغم مبين مزاجه خربان اليوم كل شويه يباوعلي من المرايه ، لمن وصلنه وگف السيارة بالباب و نزلت ساعدت أيلين و دخلنه ،

من دخلنه تيهت أيلين و نزعت عباتي و شالي و صاحتلي جُمانه و تگابلنه أني وياها ، شويه و گامت ام چسَر و جُمانه گومت أيلين و كلنه رجعنه لـوره ظلن بس هنه بالنص ،

واگفه اباوعلهن و سمعت وحده تصيحلي درت وجهي و شفتها أمي تأشر بـموبايلي يرن ، رحتلها بـسرعه گالت ..
ام فلاح : أيَهم اله سَاعـه يدگ اعليج شوفي .

اخذته منها و دخلت لغرفة بيبيتي و سديت الباب ، فتحت الخط عليه و گلت ..

هـبه : الوو ؟

أيَهم : بويه صعدي لغرفتي تلگين مُسدس بالجراره وين احط ساعاتي جيبي و تعاي بسرعه متانيج وره الحوش .

هـبه : حاضر دقايق و اجيك .

سديت الخط و صعدت لغرفته جبته و سديت الباب و دخلت لغرفتي اخذت عباتي لبستها و خليته جوه العبايه و نزلت ، محد انتبهتلي كلهن ملتهيات يرگصن طلعت من باب المطبخ و رحت وره البيت ادور عليه ..

لگيته واگف يخابر يم النخله و كلامه خلاني صافنه لـشنو ناوي !

أيَهم : السيارة يمك جاهزه تروح تشوفلي اغلى سيارة عنده تخليها تنكه مزرفه و دور عليه هو ابو طول الحلو و تصوب أيد رجل أي شي المُهم ما يطلع منها سلامات ، بس خليك مفتح عقلك أي غلط تروح انتَ و الوياك وره الشمس !، الزفه بـالخمسه الخمسة و دقيقه انتَ نفذ ، يلا توكل على الله ، هَـلاّ بيك هَـلاّ .