لاڤندر .

10

لاڤـندر ..
لزهـراء عـلي .
-----------
- تفاعلو .

بيت الشيخ عناد ..
چسَر : شيخنهه وينككك ؟.

الشيخ عناد : شبيك بويه ؟

چسَر : ابن الشيخ قحطان الصغير انكتل بديوان ابوه !.

الشيخه سميره : يمهه اسمله الرحمان سترك ربي ، ولك يمه امس هو مر منا بسيارته و سلم عليه !!.

الشيخ عناد : انا لله و انا اله راجعون ، حظر سياراتكم نروح وياهم للنجف ، همه ما يسون فاتحه لمن ياخذون الثار ..

چسَر : صعدت لغرفتي بدلت لبست دشداشه سوده و حطيت جماغي على جتافي و لبست ساعتي و اخذت غراضي و نزلت ، ركبت سيارتي و جدي وياي بالصدر و ابوي وره .. رحنه لبيتهم من نزلت لگيت فلاح واگف بالباب رحت حضنته و واسيته و سلمت على الشيوخ ..

و بـ5 طلعنه للنجف ، صعد وياي الشيخ قحطان وجان هادء وساكت طول الدرب ، من وصلنه زورناه و طلعنه لوادي السلام ، دفناه و قرينه الفاتحه و رجعنه وصلنه بـ8 الصبح ،

وصلت للبيت صعدت گبل لغرفتي سبحت و بدلت و نمت شويه ، و للـ3 گعدت بدلت و نزلت مريت على الديوان و شويه و رحت للمعرض ..

و من رجعت بـ8 تعشينه و رحنه لبيت الشيخ قحطان و جان فلاح هم بالطارمه يخابر ، وگفت يمه و گلت

چسَر : وين شرد ؟

فلاح : ابن السافل طلع من البصره و لسه مادري وينه .

چسَر : فلاح ، اني بضهرك و شتريد حاظر .

فلاح : تسلم ابن اجواد وما تقصر يخوي .

چسَر : عندي معارف ابغداد اخليهم يدورونه ؟

فلاح : بعد وكت ، يلا خل انطب الهوه حار .

طبينه للديوان سلمنه و گعدنه و گال جدي ..
الشيخ عناد : خويه چتال مسلم من يا عمام ؟

الشيخ قحطان : ابن گاصد ال مطر .

الشيخ عناد : هاااه شجابكم الهم ؟

ابو فلاح : گعدنه وي البو حمد ، همه طباب خير بيها .

ابو چسَر : ساعة السوده اعلى هيج طباب خير اي والله .

الشيخ عناد : وليش كتله ؟

ابو فلاح : مسلم انطه رايه وعجبنه و رضينه عليه وما رضينه على حجايت ابن گاصد حسين ، هو اتعارك وي مسلم و مسلم الله يرحمه گاله احنه ما نريد فصليه و ذاكه شلون نصغره بنص ديوان گام طلع سلاحه و صوبه بگلبه و برجله .

چسَر : و شَرد !.

فلاح : وشرد النثيه .

چسَر : شيخ اني گلت لفلاح قبل شويه عندي معارف ابغداد خليهم يدورونه الكم .