لاڤندر .

9

لاڤـندر ..
لزهـراء عـلي .
-----------
- تفاعلو .

أيلين : رجف حيلي ، و وگعت يم هبه اباوع للنسوان شلون تلطم و مرت عمي شويه و تگتل روحها ، بيبي عيونها ما تنشاف من البجي و بنات عمي الله يساعدهن كسرة الابو مو هينه ، ظليت ابجي و بيومها طلعت حرگة گلبي كلها ،

دخلو التابوت للبيت واني ظليت ارجف ، اني اخاف من هاي السوالف و اظل اسبوع ما نايمه اتخيل التابوت ، باوعت لولد عمي الشايلين التابوت شلون كلهم لابسين دشاديش سود و يبجون و غترهم على جتافهم ، من حطو بالگاع و التمن علي مرت عمي و بناتها و بيبي اني ما گدرت استحمل ، حسيت شي ينهش بروحي

اتخيل روح عمي تطلع من التابوت !، ظليت اباوع و جبرت روحي علمود اكسر خوفي بس !..

من فتحت مرت عمي التابوت و شفت عمي لونه ازرگ ما بي گطرة دم ، تيبس دمي و وگعت بالگاع !..

.........
هبه : گعدت مثل كل يوم ، بدلت و نزلت قبل أيلين تريگت و هيه شويه و نزلت وراي ، كملنه و كلمن راح لشغله ، گمت اني ما عندي شي حطيت التحفيات مال الصاله و مسحتهن ، و من كملت طبيت سبحت و طلعت للسطح مشطت شعري ، كلمت و نزلت ، ردت ادخل لغرفتي و طلع أيَهم من غرفته صاحلي ، باوعتله و گلت هاا و گال

أيَهم : تعرفين تكوين ؟

هبه : اي اعرف .

أيَهم : جاا اكويلي دشداشتي بلا زحمه عليج .

هبه : اي تدلل وينها ؟

أيَهم : بالغرفة امي جانت تكوي بيها بس صاحلها ابوي و نزلت و عافتها على النص و اني مستعجل اريد اروح .

دخلت لغرفته و هو ظل بره و لگيتها بالگاع حاطتها عمتي و يمها الاوتي ، گعدت يمها و گويتها و من كملت حطيت الاوتي بالگاع و شلت راسي اريد اصيحله و ما احس الا الاوتي وگع على ايدي ، صرخت و وخرته و لزمت ايدي اباوعلها صارت كلها حمره و گامت تحرگني حيل من الوجع گمت ابجي ،

دخل هو على صوتي و اجاني يركض و گالي
أيَهم : هبه شبيج ؟؟!
و من شافني ابجي ولازمه ايدي رأساً گعد يمي و لزمها و باوعلها جريتها من عنده و گلت
هبه : توجعني لٱ تلزمها .

أيَهم : اصبري عندي دهن مال حروگ .

راح للجرارات مالته و طلع علبه ورديه و رجع گعد يمي و لزمي ايدي حطالها و هو ينفخ عليها ، واني هناا نسيت الوجع و ظليت صافنه علي ، سبحان الخالقه على الجمال البي ، خمشه مسطره و حاد و شواربه و لحيته خفيفات و معدلت و ابيض كلش و عيونه وساع و حاداتت و رموشه شگد ثخان ،

ما انتبهت لروحي لمن لگيته رافع راسه يباوعلي و مكمل ، گمت سحبت ايدي منه و گتله

هبه : تسلم ، و دشداشتك كملتها تگدر تلبسها .
ردت اطلع وصلت يم الباب و صاحلي درت وجهي و گلت هاا ؟