لاڤندر .

15

لاڤـندر ..
لزهـراء عـلي .
-----------
- تفاعلو .

چسَر : طلعت من البيت و گلت خل امر على فلاح اشوفهم بلكت سمعوا خبر جديد عن البت ، من اول يوم من سمعنه صوت الصايح و تراگضنه الهن و عرفنه بت العقيد علي نخطفت وانه بالي ما مرتاح ..

شاغله بالي و تفكيري حتى لشغلي ما رايح و عود اليوم يلا تذكرته و رحت ، صارلنه سبوعين ندور و ماكو ، البت دهنه و مااعت .. وصلت يم البااب و لگيت فلاح طلع هستوه دگيتله هورن شافني و اجه صعد يمي ..

چسَر : صبحكم الله بالخير .

فلاح : صباح النور .

چسَر : شبيك لابس وجهك بالمگلوبي ؟

فلاح : ياخوي وعلي سالفة بت عمي شاغله بالي و كاتلتني كتل ، هنوب جدي تخربط علينه علمودها .

چسَر : شده و تعدي اختبار من ربك هذا ..

فلاح : الله كريم ، انتَ وين رايح ؟

چسَر : والله طالع على باب الله من زمان ما رايح للمعرض .

فلاح : خوش الله يوفقك روح بدربك يخوي ..

چسَر : تسلم ، احاجيك ..

فلاح : هااا ؟

چسَر : الشيخ مو تظل گالب وجهك گدامه افترهه شويه بلگت يتحسن وضعه و گل للشيوخ همين مو يظلون معبسين گباله ..

فلاح : الله كريم .

حركت السياره و رحت وانه حتى بالطريق اتلفت يمنى و يسرى بلكت اشوفلها اثر ، وصلت للمعرض و جاان اليوم زحمه و هواي وادم .. كملت بـ2 و طلعت بطريقي للبيت و وصلت السلف و انه امشي و اتلفت شفت مره گدامي تعرج من بعيد !..

دست بانزين و من وصلت يمها فز كلي من شفتها الدكتوره أيلين ، نزلت بسرعه الها و گلت وانه بعدني ما مكمل حجاياتي وگعت البت من طولها ..

لزمتها من متونها و گلت يألله و شلتها ، حطيتها بالسياره وره و حطيت عباتها عليها الوگعت منها .. و ركبت السياره و مشيت بسرعه بس اريد اوصل لبيت البو قحطان ، وصلت و دخلت للطارمه جان أيَهم واگف يخابر و صحتله و هو رأساً سد التلفون و اجاني و من اتقرب گتله ..

چسَر : المحروسه بالسياره نزلها .

أيَهم : منو !.

چسَر : ولك بويه دفتح الباب و شوف .

فتح الباب و فز من شافها سمعته من گال الحمـد اللـهَ ، و شالها ، و من طلعها طلعوا ابو أيَهم و فلاح من البيت و ابوها بس شافها رگض و شالها من أيَهم و طببها للبيت و هو يبوس بيها .. وگف گبالي فلاح و گال چلمه وحده ..

فلاح : وين ؟

چسَر : لگيتها بفرع بيت گاصد ال مطر !.

فلاح : لٱ حول ولا قوة الا بالله .