لاڤـندر ..
لزهـراء عـلي .
———————————
- تفاعلو .
هِـبه : جسمي كُله يرجف ، حيل ما بيه احس حيلي باد اريد احرك ايد رجل ما اگدر ، كل الاشوفه من الشباك هو دمه الظال بـمكانه ، اخذوهُم بـسيارات الاسعاف و راحت أيلين وياها و اني ردت و ترجيت و محد قبل ،
گعدت بـمكاني و حركوا السيارة متوجهين للديره و اني ألوج بس اريد اسمع خبر عنهم ، اتصل على ياهو و يطمني ، أيَهم موبايله مُغلق و ضَرغام اتصلت عليه خمس مرات و ما رد و بالسادسة انغلق موبايله ..
و المُصيبه أيلين ظل موبايلها هناا ، اسمعهن هوسه و اني موش يمهن ، أُم چسَر تلوج و بتها گعدت يمها و يبجن و الشيخه سميره تقرا أيات و نسوانهُم كلها هادئه ، عمتي هم فايره روحها على أيَهم بس تريد تسمع خبر منه ،
مدري شلون مرت ذيچ الساعات و وصلنه للبيت ، نزلت و صارت گبالي سيارته بالگراج واني ناري تزيد ، نزلنه كلنه و دخلنه للبيت و ولا زلمه من اهلنه رجع ، ظلينه الليل كله بالصاله اني افتر و اتصل ما خليت واحد ما اتصلت عليه بس اريد خيال خبر منهم ،
بيبيتي گاعده بـمكانها على التخم و عمتي بصفها و عينها على الباب ، أُمي گاعده بصف عمتي و تواسي بيها كلما لطمت ، و البنات كل شويه وحده منهن يتصلن على اخوتهن الي راحوا وراهم ،
للـ6 الفجر يلا اتصل امير على إُمي و گاللها ..
أم فلاح : ولك هاا يُمه بشرني !
أمير : عمي كلشيي مابيهُم لا تخافن جدي بس متعور بـوجهه و هابط ضغطه و أيَهم گزازه داخله بخاصرته و طلعوها ، العمله عد أل عَـناد بس ابو چسَر طلع منها سلامات شلون جدي .
ام فلاح : يُمه ربي سترك الطُف بينه برحمتك اللهي ، زين الشيوخ شلونهُم حالتهم خظره ؟
أمير : الشيخ عَـناد مثل أيَهم سَاعـه اثنين و يگعد بس چسَر وضعه يخوف و هاي بت حماج وياه منو خلاها تنزل اريد افهم .
ام فلاح : جاا يُمه غير اخوها و رجلها و شايبها شلون ما تنزل و هي دكتوره .
أمير : عمت عيني عليها اُم المحنه ، يلا يلا جايين احنه بالدرب بالتسعه يمكم .
ام فلاح : الله وياك درب السلامه ان شاء الله .
سدته منه و عمتي سجدت سجدة شُكر لله عز و جل و اني هسه ردتلي روحي و گعدت بالگاع و حمدت الله ،
الشيخه زهره : گومن يـيُمه گومن ارتاحن و نامن ورانه هواي شغل .
گمنه كلنه عمتي راحت لـغرفتها و بيبي لغرفتها و امي هم ، و صعدنه اني و البنات لغرفتي بدلت و غسلت و طلعت لگيت أيناس منتظرتني أول ما شافتني كالت ..
أيناس : اگُلج شراح يصير على ملجتي ؟
هـبه : والله خاله ما ادري ، هسه اكيد جدج يرگعنه بـعشه شكبره يجوز اذا اجوا عيالج يفتحون السالفه وياه و هـو يقرر .
أنت تقرأ
لاڤندر .
ChickLitرأت زهرة لاڤندر عند جيران عمامها فـغيرت لـها هذه الزهرة مجرى حياتها !.. رواية حقيقه حدثت في العـراق في شتاء ٢٠١٤ ، فـتاة مـن شمال الـعراق تجد نصيبها فـي جنوبـهُ . - بـقلمي أنا .. زهراء علي . - باللهجة العراقية . - روايه تحوي بين كلمات سطورها العُنف...
