لاڤندر .

44

لاڤـندر ..
لزهـراء عـلي .
———————————
- تفاعلو .

هـبه ..

الساعـه بـ7:30 بـتاريخ 2015/1/2 بعد قلق و خوف و حرگان روح رن موبايلي لزمته و گامت أيدي ترجف من شفته امير ، اريد احرك اصبعي و ارد عليه ما اگدر گوه فتحته و خليته على اذاني ما حجيت ما گدرت و تصنم جسمي من كلماته ..

امير : الحجي انطاكم عمـره .

وگعت بالگاع و التمن عماتي عليه يردن بس يفهمن شگال ..
سمر : هاا ولجج يُمه احجي شگال شلون صار الشيخخخ ؟؟

سهله : ولج احجي لا تشلعين گلوبنه شبي ؟؟

باوعتلهن و دموعي نزلن شلون احجيها ما ادري و هنه فهمنها من وگعت دموعي و گامن يبجن هنه و بيبيتي و يلطمن ، و من شفتهن استوعبت انه مات بعد ما يرجع ، بجيت و لطمت و انهاريت والله فرگته صعبه نضيع بدونه ..

اجن نسوان أل عَـناد فازعات و انصدمن بالخبر ظلن يبجن و يلطمن وي عماتي و ابد ما انسى غربة ذاك اليوم النسوان كلها لابسه اسود و تلطم و انترس البيت بين كل دقيقه و دقيقه تدخل مجموعه جديده كلهن كرايبنه و جيرانه ..

صعدت مكسور حيلي و دموعي تجري طلعت دشداشه سوده و لبستها و شال اسود و اني اشهگ عليمن لابسه هل اللون ، نزلت على صوت صياح عبالي جابوه طلعت أيلين هستوها جايه گاعده گبال بيبيتي و تعاتبها و تملخ بروحها ما خلت لا وجهه لا شعر مفجوعه بالخبر ..

گعدت على الدرج روحي توجعني من كلماتها حقها والحسين شما تسوي و تحجي حقها محد يلومها ، عبالنه يطول جدي و نگللها بس راح و هـيَّ ما تدري ، جنت شايلتلها هـم شلون نگللها بس انفجعت بالخبر و فقدت اثره ..

و فزيت من شفتهم اجو اول وحده ركضت للشباك و من شفت السياره دخلت العراضه حاملته فوكاها بالتابوت لطمت و فقدت ما رايده هل الفرگه شلون اتقبلها ما ادري ،

نزلوه من السياره و دخلوه للديوان و نزلت الزلم و انترست العراضه گعدنه منتظرينه يدخل گعدت بالگاعد يم مكانه بالتخم ابجي و ايناس يمي و اجر النفس گوه ، و على نفس الحال لـوره نص سَاعـه يلا ودوا طفل گالوا راح يدخلونه ..

اتكترت النسوان الغربه و گمنه فرغنه النص وگفت و حيل ما بيه گوه خليت عبايه على راسي ، فتحوا الباب و دخلوه شايلينه بالتابوت من شفته روحي راحت و گوه صبرت روحي لمن يطلعون الزلم ، خلوه بالنص مقابيل بيبيتي و التمينه عليه و أيلين شالت البطانيه عن وجهه ..

من شفته شلون وجهه ابيض و شفايفه زرگ و اتذكرته شلون الصبح لامنه و كاعد يضحك ويانه فقدت و گمت الطم على وجهي و اعاتب بي ليش عافنه و كسرنه هل كسره ..