لاڤـندر ..
لزهـراء عـلي .
-----------
- تفاعلو .
چسَر : طلعت وره فزاع للاسطبل مالتي لان گتلهم هناك يربطون فلاح .. دخلت للاسطبل شفت الـفَرس مالتي "مُكر" وكلته و ظليت اسمح علئ راسه شويه و من سمعت فشار فلاح رحتله ..
دخلت للغرفة الحاطينه بيها شفته مربطين اديه و رجليه بسلاسل مربوطه بالشباك ، جبت كرسي و گعدت گباله ورثت جگارتي و باوعتله ..
فلاح : شنو غايتك ؟
چسَر : غايتي ؟
فلاح : لٱ تقنعني سويت كل هذا بس لان جدي اطاك حجايه بـتالي الليل ، احنه عشرة عُمر چسَر حافظك اكثر من اهلك !
چسَر : الله يعلم شنيه مو لازم تعرف انتَ .
فلاح : اذا جانت الــبالي انتَ تحلم !
چسَر : ڪلشي بـوكته حلو .
فزاع : شيخنه وصل الطبيب .
چسَر : خلي يفوت .
طلع فزاع و وراه دخل الطبيب احمد الدائمًا اجيبه لـمُكر من يمرض !..
الطبيب احمد : السلام عليكم شيخ .
چسَر : كله الـهلا بيك .
الطبيب احمد : و بيك اكثر تسلم ، وين الحصان گال فزاع متصاوب ؟
چسَر : گدامك .
فلاح : هههه والله ما انساها الك اردها لٱ تخاف .
الطبيب احمد : بس اني بيطري شيخنه خاف يصير شي بـرجال و ابتلي !
چسَر : سوي شغلك و بس تطلع منا تنسه السالفه و جـن لٱ اجيت و لٱ شفتنه و شفناك خُـوشَ ؟
الطبيب احمد : عد عيناك بس ماعدي مُخدر ؟
چسَر : ماي بارد و نزل على گلبي .
الطبيب احمد : تحت امرك .
بده احمد يطلع الرصاصه من ايد فلاح الـجان يصيح و يسب لحد ما فقد وعيه من كثر الوجع !، و طلعها احمد و خيط مكانها و لفه بـشاش و طلع ..
و طلعت وراه گلت لـفزاع يدير باله و اول ما يگعد يطيني خبر ، رحت للبيت جنت تعبان حيل و جسمي متكسر من نومة الديوان بس اريد الوح جربايتي ..
دخلت للبيت جانت الساعه بـ11 لگيتهم يتغدون بالهول الثاني ما خليتهم يدرون صعدت لـغرفتي سبحت و بدلت بس تمددت شويه صارت بـ12:30 رن موبايلي ، من باوعتله لگيته اخو فزاع العفته يم بيت الشيخ قحطان گلت خير و رديت ..
چسَر : هاا ينجيح خير ان شاء الله ؟
نجاح : شيخنه طلعت مره من بيت الشيخ تركض كتر الشط !
أنت تقرأ
لاڤندر .
ChickLitرأت زهرة لاڤندر عند جيران عمامها فـغيرت لـها هذه الزهرة مجرى حياتها !.. رواية حقيقه حدثت في العـراق في شتاء ٢٠١٤ ، فـتاة مـن شمال الـعراق تجد نصيبها فـي جنوبـهُ . - بـقلمي أنا .. زهراء علي . - باللهجة العراقية . - روايه تحوي بين كلمات سطورها العُنف...
