لاڤندر .

34

لاڤـندر ..

لزهـراء عـلي .
-----------
- تفاعلو .

جُمانه ..

گلبي راد يوگف من سمعت صوت صياح بالديوان و صوت چاسَر بارز بينهم يتلاغه وي چسَر ، العالم كُلها راحت حتى نسوان عمامي و البنات و بالصاله بس أني و أُمي نتصنت للصوت من باب الصاله ، الديوان جان مفتوح و بابه گبال الباب مال الصاله ما نكدر نفتحه ..

گلبي يلوج احس أني الواگعه بيها ، سمعنه صوت جدي سكتهم ثنينهم و بعدها صار هدوء باوعت لأمي لزمت أيدها و گلت ..

جُمانه : يُـمه بس لا اتعاركوا على الملچه .

أم چسَر : لا ولج اسكتي شماله چسَر و يتعارك على ملچه اسكتي خل نفتهم .

فتحت حلگي ردت احجي و سمعنه صوت چسَر فززنه من مُكانه و كلماته دگن بـروحي خلني ارجف ..

چسَر : للككك چاااسَررر گتلككك الففف مَررره لاا تتصررفف وحدكك وولككك رااااححح تعبب سنييينييي رااااححح !

أُمي لطمت على خدها و أني اسحل بروحي الترجف و فتحت الشباك شفتهُم كُلهم طلعوا و چسَر أول واحد گوه يمشي من رجله و شفته اتمتم بكلمات ما مسموعه ..

جَـسور طلع يركض و لزمه سند ضهره و گاله بصوت عالي ..

جَـسور : خويه اصبررر فدوهه اروحلكك بس خل نفتهمم الرجالل ما يدريي ما يدرريي معرضك لو معرض رائدد بس اصببرر نروووح سووه .

چسَر : ولللككك شصبرررر ستاررر حرگه حررررگههه مااا يغللطط أنهه أعرررففهه .

حمزه : چسَرررر خويهه انه اخذك اصعد .

چاسَر : ولللكك وين تاخذه فخخخ فخخخخ راح يصيدوكم بس ترحونن .

الشيخ عَـناد : چسَررررررر !

أبو چسَر : ولكك بويه اگعد ستار جبان ما يسويها و اكو لطامات يشوفنه و يروح بيها .

الشيخ عَـناد : فووتوا طبواا ولا واحد يتحرك ستار غير بالسجن منين يحركه يردرن يحرگون دمك طبوووااا .

چسَر : من امس طلع من السجنن و راحله جباارر يتحمدله على السلاامه! ، هذذااا نذرررر عللليييه يأاااا ألل عَـناااد أذاااا طللعع لـجباااارر أيدد بالسالفههه ما يصبححح صبحح عليه وحگ حيدررر الكرررااررر !

أول مَـره چسَر يعلي صوته على جدي !، و أول مَـره اسمع صوته هيج مُرعب و عالي ، دار وجهه و صعد بسيارة حمزه و شخط حمزه السيارة و طلع و جدي رجع للديوان وره ما سكت أبوي من راد يحجي !

جَـسور و چاسَر طلعوا مسرعين بسيارة چاسَر و جراح وراهم بسيارته هو و هيثم ، و هناا حرت بيمن احير ، بأمي الفقدت گامت تلطم و تصيح تعب ابني راح و بين بيبيتي الهبط ضغطها و گامت تصيح راح اموت ولجن ،