لاڤندر .

8

لاڤـندر ..
لزهـراء عـلي .
———————————
- تفاعلو .

أيلين : رجعت للبيت و اول ما دخلت لگيت هبه گاعده و تتنغوص يم امها تگلها اريد اطلع .. اول ما شافتني گالت

هبه : اجيتي والله جابج ..

أيلين : شكو ؟!

هبه : امشي حتى لٱ تبدلين امشينه نروح للاسطبل اريد اركب على الاحصان اني هم .

ام فلاح : اثگلي هبيلان تردين تخزينه .

هبه : ايي اريد اخزيكم .

أيلين : خاله شراح نسوي علمود نخزيكم هيه كلها تصعدلها حصان .

ام فلاح : وعلي اذا شافجن واحد انه اطلع من الموضوع .

هبه : كثر الله خيرج ، امشي يلا ولج .

طلعنه من الباب الخلفي للبستان اول شي شلعنه تفاح و غسلناه من الصونده مال المي و اكلنه تُكي و رحنه للاسطبل مال ضرغام و علمتها شلون تصعد و صعدته بس بلحظه وحده سمعنه صوت بريك سيارات عالي و صوت زلمه يرعد رعد و بالاخير صوت طلقه طارت الحمامات منها ..

بسرعه نزلت هبه و طگيناها ركضه للبيت واني من الخوف گامت رجليه ما تشيلني هبه تسحل بيه ..
من وصلنه البيت و دخلنه الحديقه نمنه بالگاع و هبه گالت

هبه : وعلي صدك الما ياخذ حجايته امه ندمان .

أيلين : اي والعباس هسه شتسوالنه رحنه بس علمود الهبطه و رجعنه نتراكض .. يمه روحي لسه ترجف .. شگول عليج ولج هيه تنلام امج اذا سمتج هبيلان .

هبه : چاا شعبالج اعجبج عيوني .

أيلين : طاح حظج اي والله .

هبه : دكومي خل نطب ظلمت الدنيا .

دخلنه لجوه و اني گبل صعدت بدلت ملابسي و انبطحت شويه على الجربايه و نزلت ، تعشينه و كملنه و شربنه جاي و اجه سعد يلهث يگول لجدي

سعد : شيخنه الشيخ عناد دخل للديوان و يريدك .

الشيخ قحطان : ايي هَـلاّ بي ، امشي گدامي حظر گهوتك .

الشيخه زهره : خير ان شاء الله .

طلعو جدي و عمي و ابوي و الولد للديوان و اني صعدت لغرفتي و نمت گبل ..

...
الديوان ..

الشيخ قحطان : هَـلاّ ومية هَـلاّ زارتنه البركه .

الشيخ عناد : تسلم يخوي تسلم ..

الشيخ قحطان : ما دامك اجيت گلي شنهي سالفة الچيله الثارت بگاعك المغرب ؟.

الشيخ عناد : والله يخوي انتَ و كل الموجودين تعرفون احنه عشرة عمر و خوه قبل لٱ نتجاور ..