لاڤندر .

30

لاڤـندر ..
لزهـراء عـلي .
-----------
- تفاعلو .

جُمانه : گعدت بـ12 گمت غسلت و بدلت و صليت و حظرت جنطتي الاخذها وياي واني فاتحه اتصال وي البنات و نسولف ، و كملتها نزلت حظرت مكونات الدولمه اسويها فطور و خليتهن بالثلاجه و رجعت صعدت ظليت حاطه ماسكات و العب بـموبايلي ، للـ3 غسلت وجهي و نزلت و بدينه نشتغل بيها اني و امي ..

كملناها بـ4:30 و خليتها على نار هادئة تستوي و گمت سويت سمبوسه وياها ، و كملتهن رحت گعدت بالصاله يم بيبياتي و امي و سمعتهن يسولفن على روحتنه ..

ام چسَر : عمه چـاا بيش الساعه نطلع منا ؟

الشيخه سميره : چسَر يگول بـ8 حتى نلحگ نوصل قبل أذان الظهر .

ام چسَر : خُـوشَ .. عمه ما غيرتي رايج و ترحين ويانه ؟

ام جبار : لٱ طال عُمـرج انه اروحن لـجبار اكمل فطور و اخلي جَسور يوصلني .

الشيخه سميره : چـاا هو جبار شماله ما يروح ويانه مو ذوله اخوته كلهم راح يرحون ؟

ام جبار : يگول بناتي يضايقن من زلم ال قحطان .

جُمانه : اللُهمَ أني صائم !

ام جبار : گلتي شي ولج ؟

جُمانه : لٱ بيبي سلامتـچ ما گلت .

ام جبار : عبالي ، و قيس يروح ؟

الشيخه سميره : لٱ بس حمزه و هيثم .

ام جبار : وال قحطان منو يروح منهم ؟

الشيخه سميره : گال الشيخ كلهم بس بيت ابو عُمر يروحن منه بس البنات لٱ امهم و ابوهم ولا الولد .

ام چسَر : اذا هيج چـا سياره جبيره وحده تكفينه .

جُمانه : لٱ يُمه ما اضن ، اوگفي خل احسبهم احنه سـته وي ابوي و جدي و اخوتي ، و عمي حاتم بيته كلهم غير ؟

ام چسَر : علي و ذياب ما يرحون يبقون بالمحلات.

جُمانه : يعني بس چاسَر و ريحانه و عمي و عمتي ذوله اربعه ، بيت عمي سلمان البنات و عمي و عمتي و جراح هَـم سـته يعني ال عـناد يروح منهم بس 18 نفر وي حمزه و هيثم ، و ال قحطان منو يروح منهم ؟

ام چسَر : مساع جنت احجي وي ام أيَهم گالت 19 نفر .

جُمانه : گالي چاسَر الشيوخ جدي و الشيخ قحطان و ابوي و الشيخ أيَهم بـسيارة چسَر و الولد كُلهم بـسيارة وحدهم ال قحطان يمشي منهم امير و فلاح و ضِرغام و احنه ولدنه جَسور و چاسَر و حمزه و جراح و هيثم راح يصعدون بـستاركس و يصعد وياهم عمي سلمان و ابو أيلين ياخذ سيارته يصعد بيها اخوه ابو فلاح و ابوي و عمي حاتم ، و احنه النسوان أجرولنه ريم 50 نفر نروح بيها .