لاڤـندر ..
لزهـراء عـلي .
-----------
- تفاعلو .
أيلين : جنت ذايبه بأيـده و ما منتبهه لـشي ، كل الاحس بيه لمساته ألي و شفايفه ، رفع راسه و خله جبهته على جبهتي ، فتحت عيوني و باوعت لـرگبته و شلون لازمني ، جان لازم خصري بـأيد و اسفل ظهري بـأيد ، و مدري يمتى منزعني الشال و فاتح شعري على طوله ! نزلت أديه على صدره و خليته راسي يمهن استمع لـدگات گلبه واني ذابه حملي عليه ، ضحك و گال ..
چسَر : اذا هيج بسرعه تذوبين شيصير بحالي .
ابتسمت و دفنت راسي اكثر بصدره و هو خلخل أيده بين خصلات شعري و يشتم بيهن ، شويه و وگفت على حيلي و باوعتله ، خله أيده على خدي و ظل يباوعلي و ركز بـكل تفاصيل وجهي ، شويه و گال تعالي اكلي ، سحبلي الكُرسي و گعدت و هو گعدت يباوعلي و يدخن ..
أيلين : أيَهم گال مو تتأخرين.
چسَر : خل يطير .
أيلين : اممم ، سولفلي عن حياتك ؟
چسَر : حياتيش ما مفتهم منها شي من الشغل للديوان .
أيلين : يعني ما تطلع وي اصدقاءك اخوتك ؟
چسَر : نروح كل جمعه لگيعانه نشوي و اذا صادفت مناسبه نطلع .
أيلين : سمعت انتم هواي يعني عائلتكم جبيره الله يحفظكم ما بينكم مشاكل ؟
چسَر : لاا جدي لامنه بـحنيته بس عدنه عمي الصغير لاگف من خواته خيط .
أيلين : الله يحفظكم .
چسَر : الخميس نروح للـزياره سوه گاللكم جدج ؟
أيلين : لٱ هستوني سمعت منكم ، شلون يعني وين بـيا سياره ؟
چسَر : رَيـم و احنه الولد كلمن بـسيارته .. العام اني بـسيارتي اخذت الشيوخ و جَسور الولد بـسياره ستاركس صارن تلث سيارات بس .
أيلين : يعني الـريـم نصعد بيها بس احنه النسوان ؟
چسَر : وياجن عمامي لـگدام و اهلج .
أيلين : الله يسهل ..
سكتت اباوعله و هو هم جان هادء يسحب نفس من الجگاره و يباوعلي ، صدر صوت اشعارات من موبايله باوعتله جان حاطه على الطبله ، مديت أيدي و اخذته و هو ولا انطه اي ردة فعل ..
فتحته و شفت الخلفية جان حاط صورة فَـرسه الـعد ضرغام للشاشه الخلفيه و الرئيسيه ، و جان عنده بس فيس و انستا و بَـرامج الجهاز ، دخلت على الانستا على حسابه جان ما مخلي صوره و ناشر بس صورة الفَـرس نفسها الحاطها خلفية و عدد مُتابعينه 6 ألاف و المتابعهم بس ولد عمه و جَسور مابيهم 20 حساب ،
دخلت على البحث و طلعت حسابي و اطيته الموبايل اخذه من ايدي و باوعله و گال ..
چسَر : حسابج ؟
أنت تقرأ
لاڤندر .
ChickLitرأت زهرة لاڤندر عند جيران عمامها فـغيرت لـها هذه الزهرة مجرى حياتها !.. رواية حقيقه حدثت في العـراق في شتاء ٢٠١٤ ، فـتاة مـن شمال الـعراق تجد نصيبها فـي جنوبـهُ . - بـقلمي أنا .. زهراء علي . - باللهجة العراقية . - روايه تحوي بين كلمات سطورها العُنف...
