لاڤندر .

29

لاڤـندر ..
لزهـراء عـلي .
-----------
- تفاعلو .

جُمانه : كملت فَطور و كفيت الاماعين بـسرعه و امي سوت الچاي و صعدت ابدل ، دخلت و سديت الباب و گعدت سويت مكياج وردي ناعم و لبست فُستاني وردي قصير وي الرُكبه و صدره تُفاحه و اكتافه نازله و بي بس حزام كرستالات نيلي على شكل ورود و لبست وياه حذاء وردي متوسط و مشطت شعري و تركته مفتوح هو ناعم ما يحتاجله شي حتى لويات مابي .. و تعطرت و نزلت و لبست گلاده ذهب ناعم و محبس مالها و اساور مال اُمـي اطتنياهن ذكرى ..

و نزلت اركض رتبت الحلويات و الكيك و الببسي على الميز و حظرت الطبلات و بخرت الصاله و طلعت بيبيتي كضيمه گالت من وره خشمها ..

ام جبار : شايفه خير يـجمانه .

جُمانه : الخير يصيبج بيبي .

ام جبار : ليش مخبره البيت مو تدرين بيه ما احبهه ؟؟

جُمانه : چـاا شلون بيبي الوادم راح تجي و ما يصير ارش مُعطر لان يوگع على الاكل شسوي ؟؟

ام جبار : ما تعرفين ترشينه وره شويه تحطين الاكلل امج ما علمتج .

جُمانه : ماكو داعي تصيحين و النسوان راح تجي و اعذريني اُمي علمتني على البخور ما علمتني على المُعطرات ذني سوالف اهل بغداد موش سوالفنه .

ام جبار : تعاي بعد ارگعيني بنعالج ادبسزز بس ولو اهلج يعرفون الاحترام علمود يربوج عليه .

الشيخه سَميره : كضيمه اكثر من مَـره گتلج ما تغلطين على حفيدتي لو اهلها ، تعرفيني شسوي وبعد گولن سمعت حجايه البيت اگلبه على روسجن النسوان وصلت اگطعن .

جُمانه : أمرج بيبي .

الشيخه سميره : تعاي خن ابوسنج يبعد بيتي شطالعه .

جُمانه : بعد روحي بيبي .

رحتلها باستني و اني هَم ، و اجت امي مبدله هم باستني و بستها ، و بهل الاثنـاء اندگ الباب راحت امي فتحته و بيبيتي گعدت على التخم و شويه عنها گاعده بيبيتي گضيمه ، دخلن عمتي سميه و ريحانه و اخت عمتي اسمها سهاد و عمتي فريال و سجى و ريتال ..

سلمنه عليهن و گعدنه و گعدنه احنه البنات كلنه سطره وحده ، دقيقتين و گمت وزعت الببسي و ريتال وزعت الكيك و گعدنه ، گامن يسولفن على الخطبه ...

ام چاسَر : يَـم چسَر شتامرون احنه حاظرين .

ام چسَر : خيه مابينه هل السوالف احنه اهل موش غُربه .

ام چاسَر : بعد روحي يخيتي ، والله چاسَر گال ...... بـ50 و گال اذا اكثر يدللون .

ام چسَر : ياا يختي عليمن البنيه بنيتكم ليش هلكثر ؟