لاڤـندر ..
لزهـراء أل عـلي .
-----------
- تفاعلو .
أيلين : ثاني يوم هو اليوم الي قلب الموازين و بدت منه القصه !.. مثل اي صباح عادي گعدنه و تريگنه كلنه على سفره وحده ما تخلى من سوالفنه و محبتنه ، و جان الكل هادء و يضحك حتى فلاح الي تصالح وي أيَهم بعد الملچه و جانوا يسولفون عادي و يتشاقون ..
و خلصت الصبحيه و رجعوا على الغده و تغدينه و هم ضحك و سوالف ، و فجأة و احنه نشرب چاي دخلوا بيت عمي ابو عُمر كلهم و گمنه سلمنه عليهم و عرفنه جدي هو الوصى يجون و اجو عيال عمي مُسلم الله يرحمه و من لتمينه كلنه گال جدي كلام صدم الكل و انه الوحيده الفرحت بي !
الشيخ قحطان : وهسه انه عندي الكم خبر ، هذا القرار انه افكر بي من عملة المرحومه بيداء و شفته من كل النواحي و گلت هذا هو الحل الامثل و الوحيد لعشيرة ........ ، حتى تعيش بخير و راحه تحت شيخ رحيم و عاقل و يفهم ، وانه هناا ما اقصد الأهانه لفلاح و ابوه و الله شاهد هم خُـوشَ زلم و شيوخ لاچن الوكت تطور و الوادم تغيرت نفسياتها و ما ترضى بالظلم !
ابو أيَهم : خير حجي خوفتنه احجي شني هل القرار ؟
ابو عُمر : بويه احجيلنه هل القرار شنو و ان شاء الله خير .
الشيخ قحطان : خيرًا على خير وليدي ، القرار يخص الشيخه .. فلاح رجال و اخو خيته بس انه عندي حفيد ثاني جبير ويفتهم و من الفاتحه لحد هسه انه اقارن بينه و بين فلاح و عرفت هو الوحيد اليستحق الشيخه ، و هذا حفيدي هو أيَهم انه اشوف واللازم يصير أيَهم يصير الشيخ من بعدي !!
باوعت لفلاح عصب و غله بركانه ، و أيَهم هم ضاج و جنه ما راضي عن قرار جدي و عمي ابو فلاح جان الحقد و الغضب واضح من عيونه و نظرات لابوي و أيَهم ، و عمي ابو عُمر جان متفاجئ وبس و بيبيتي مرتاحه بقرار جدي ، و عمتي ام فلاح جانت ڪُلش معصبه و ما راضيه عن قرار جدي .. و امي جانت تأشر لابوي بنظرات بأن يرفض و ما يقبل أيَهم يصير الشيخ ، و هبه عيونه تضحك و فرحانه و ملامح وجهه ضايجه !
و مرت فلاح تباوع لـهبه و لأمي بحقد و كرهه ، و ضرغام جان هادء و ما انطى اي ردة فعل ، و امير و عُمر مثله ، و عيال عمي مُسلم جانوا هادءين و راضين بحجاية جدي .. و انه ؟
اني جنت ڪُلش فرحانه و مرتاحه و اريد يصير هذا القرار بدون مشاكل ، فلاح بـعُمره ما جان شيخ ولا ينطي شبه للشيوخ ، يمكن ماخذ صفات من عشرته وي الشيخ چسَر بس ابدًا ما يستحق يصير شيخ ..
وجنه اني و جدي نباوع لوجوه الكل و حفظناهم و عرفنه منو الويانه و منو علينه ..
أيَهم : السموحه منك جدي بس انه ما راضي ، انه رجال موش يم الشيخه و مُسالم و ما اريدن ترجع العداوه بيني و بين ابن عمي بعد ما تصالحنه گوه !
أنت تقرأ
لاڤندر .
ChickLitرأت زهرة لاڤندر عند جيران عمامها فـغيرت لـها هذه الزهرة مجرى حياتها !.. رواية حقيقه حدثت في العـراق في شتاء ٢٠١٤ ، فـتاة مـن شمال الـعراق تجد نصيبها فـي جنوبـهُ . - بـقلمي أنا .. زهراء أل علي . - باللهجة العراقية . - روايه تحوي بين كلمات سطورها العُ...
