لاڤندر .

28

لاڤـندر ..
لزهـراء عـلي .
-----------
- تفاعلو .

أيلين : جنت بس رايده شوفته ، بس رايده يرجع للبيت و اشوفه واگف على رجليه ، گعدتني هبه گمت بسرعه غسلت و بدلت و اخذت دشداشتي نزلتها وياي البسها من يجون عمامي ، نضفنه اني و هبه البيت كُله لحد ما رجليه صارن خيوط ،

اتمددت على التخم و افكر بـچسَر لٱ فكر بيه لٱ خطرت على باله و گال خل اتصل .. لحد الأن اني ما اعرفه هو هم تعور هَم صارله شي ، زين ما گال خل اطمنها على اخوها ، تعبت من التفكير و گمت غسلت وجهي و رگبتي و بدلت دشداشتي بـغرفة امي و خليت حُمره شويه من عدها و كحله و طلعت ،

شويه و اجو عمامي ال سعد سلمت على مرت عمي و البنات و گعدنه شويه نسولف و شفنه عمامي و الولد و جدي طلعوا من الديوان وگفوا بـالباب ، گمنه اني و البنات بـسرعه نباوعلهم من الشباك ..

شويه و دخلت سياجنه سيارة ابوي هو يسوق و بـصفه أيَهم بالصدر و وراهم ضَرغام ، و شفت وراهم سيارة چسَر عَبرت لـبيتهم ، ظليت اباوع لأيَهم نزل من السياره و عمامي تلگوه و سلموا عليه و دخلوا للديوان كُلهم ، بس گعدنه احنه و مرت شويه دخل أيَهم و تلگته امي تعاتب و تبجي ..

رحت حضنته و اني اضحك و اتشاقه وياه رُغم قهري على حاله شكبره ، شويه و صعد و صاح هبه وراه و هي راحت ..

مَـرت نص سَاعـه ضحك و سوالف وره ما دخلوا عمامي و جدي ، گام ضَرغام و صعد فوگ اني شكيت بيه راح يروح لـغرفة أيَهم و اجيت اخابر أيَهم بس گلت يلا هي غير مرته ..

شويه و رن موبايلي باوعتله چسَر گلت بـگلبي هم زين هستوك ذكرتني ، اترخصت و صعدت لـغرفتي شفت ضرغام واگف يم باب غرفة أيَهم مورثله جگاره و يسمعلهم و يهز بيـده ..

دخلت للغرفة و سديت الباب و فتحت خط و جنت ساكته لمن حجـه هو ..

چسَر : شلونج ؟

أيلين : تذكرتني ؟

چسَر : اخخخ اخخ ، ما ناسيج حتى اتذكرج وانتِ تدرين .

أيلين : شدري چسَر شمرتني بالحمام و طلعت و ما سمعت خبر عنك وراها موديلي ابن عمك شلع گلبي يلا عرفت أيَهم تصوب و حظرتك حتى ما گلت خل اتصل عليها وانه طول الليل جنت منتظره منك حرف !

چسَر : يمكنج تدرين انه چـنت وي أيَهم بالمستشفى ، و تعرفين من يتصوب واحد منا شلون تفزع علينه الوادم .

أيلين : هذا مو عذر چسَر جنت تگدر من يگعد و تحجون وياه تشيل موبايلك و اطمني عنه .

چسَر : كاافيي أيلين تدرين انتِ الوضع شلون يصير لٱ تلحين .

أيلين : ماشي بـراحتك خاف ازعجتك اني .

چسَر : لٱ اله الا الله ، ولج بويه شبيج ما تگليلي ؟