فتاة طموحها أن تعيش حياة مختلفة عما هو سائد في مجتمعها، و تتفق مع شاب له نفس الهدف على أن يتزوجا و يغادرا البلد ليعيش كل واحد منهما حياته الخاصة.. لكن للقدر رأيه ايضا.. فما الذي قد تؤول إليه هذه الإتفاقية من أحداث خطيرة و مطبات لا مخرج منها. هذا م...
ميرا بطلتنا لابسة لاغوب بلونش و وليد زوجها بالكوستيم ماسك يدها و داخلين للأوتال بعد ما خلاص عرسهم، صفقو ليهم كامل لي تماك و هوما يتبسمو معاهم بعدها طلعو للشومبر لي كانو حاجزينها فتح وليد الباب و ميرا دخلت للشومبرة و وليد غلق الباب و شاف ليها لي عند العتبة نحات طالون و قاستو و راحت تجري قعدت على الكانابي تماك و مدت رجليها و قالت " ياما رجليا.. مانيش حاسة بيهم نشليت خلاص " يضحك وليد و يقول ليها " نتوما تحبو تعذبو رواحكم بهاد الطالون.. وكان لبستي كونفارس بزاف بنات يعملو هاكك " " ماما ما حبتش.. خافت يضحكو عليا " يقرب من الكانابي و يقعد و يقول ليها " " منا وطلع نورمالمو انا نحكم فيك ياك وكان خبرتيني نقولها تخليكي تلبسيها " تخزر ليه و تضحك نص ضحكة و تقول " هه.. أكيييد ياك نتا زوجي ابو اولادي بالمستقبل " " هههههه ضحكتيني.. روحي بدلي قشك خلينا ننعسو طيارة تقلع على 7 تاع العشية " " أصلا راني من البارح ما نعستش.. من ستراس تاع العرس ههههههه " توقف و تروح تعرج للدوش تبدل قشها تلبس بيجاما و تجمع شعرها كورت شوفال تنحي مكياج و تخرج تلقاه واقف عند الباب خزر ليها و قال " عام.. وكان حسابلي طولي وكان دخلت قبلك " "وكان قلتلي نخرج نمسح مكياجي برا.. عمبالي راك نعست.. هاني كملت تصبح بخير" تتمشا شوي و هو يعيطلها " بسسس " دارت ليه و قالت " وي " وليد " أنا ننعس فالناموسية.. كانابي ما تقدنيش كوما كي شايفة.. بصح نتي تجي ڨد ڨد " حنات ميرا راسها على جنب و قالت " حتى أنا ضهري وجعني يوما و ما نقدرش ننعس على كانابي " " كانابي هاداك خير من فراشك فداركم.. أبار يلا حابة ننعسو فنفس الفراش " " أووو لا ميغسي.. خلاص نديباني يوما واش ندير.. مام نعرف بلي ladies First بصح مع من نحكي" هو دخل للدوش بلا ما يسمع ليها و هي خزرت للباب كي غلقها وراه بلا ما يسمعها 😑 و راحت للفراش رفدت وسادة و غطا و شوي ورد من لي كان فوق الفراش و راحت فرشت فوق الكانابي و راحت فنومة طويلة.. وليد كي خرج صابها ديجا نعست و راح هو نفض الغطا من الورد لي كان تماك و رما روحه على الفراش ينعس... واش قصة عرسان جداد كل واحد فيهم ينعس فجيه فاول ليلة ليهم خلونا نرجعو قبل داك شي بفترة شي 3 شهور
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
