صباح الخير عليكم او مساء الخير عليكم على حسب قرايتكم للفصل، يارب دايما بخير و سالمين ❤️✨، بما إن الفصل الأول كان مبهم للبعض، علشان اتنشر فى الجزء الأول للرواية اللي هى "أتلمس طيفك" ولأن فيه ناس ممكن تقرأ الجزء الثاني بس مش الأول، فانا هنزل الفصل الربط هنا علشان ميبقاش حد مجبر يقرأها علشان يتابع دي، و ممكن بعد ما نخلص ندبات ترجعوا ليها❤️، فتعالوا نشوف إيه اللي كان السبب فى اللي إحنا هندخل عليه❤️.
دمتم بخير و سالمين❤️❤️✨
كانت جالسة برفقة عصابتها الصغيرة المكونة من أبناءها الأشداء، تضع يديها بكل جدية تمتلكها على رأسها تفكر و تقلب بعقلها على فكرة مشعلة تشعل عودتها لساحات الشهرة من جديد.
ليقول يوسف بتساؤل لأخيه يزن: فكرني كدا إحنا متكدرين هنا ليه؟.
ليقول له يزن بهمس: أخرس إنت الله يسترك علشان النهاردة هيحصل انقلاب سياسي و عايزين نطلع منه من غير ضحايا.
ليقول يزيد بلامبالاة رافعًا صوته: يا أمي بلاش يعني دي حاجة مش مهمة.
لتنظر له كأنها رصاصة قد إنطلقت من مسدسها للتو و قالت و هى تشعر بإستخفاف من محتواها: نعم!، بلاش إزاى يعني؟!، دي الناس مستنية عودتي بفارغ الصبر.
ليقول يوسف بتحطيم: ناس مين يا ماما، دا هما عشرة بس اللي عارفين إنك موجودة على الكوكب، اللي هو احنا كمان!، و بعدين رجوع من فين؟، هو حضرتك كنتِ مسافرة ولا حاجة؟!.
لتقول هى بسخرية: و لازمتها إيه بقى حضرتك يا ابن بلال.
ليقول يزن بهدوء و هو يجلس جوارها يحاول أن يثنيها عن قراراها بهدوء و عقلانية: يا ماما يا حبيبتي إحنا عايزينك مبسوطة، بس دا مش كويس بابا هيزعل و هيدبها خناقة لرب للسما، فبلاش يا حبيبتي.
لتقول هى برفض و قد أخذ الموضوع منحنى شخصي و هى ترى أطفالها يهبطون من معنوياتها المحلقة و المرفرفة فى عنان السماء، يستهزئون بمحتواها و هم لا يدرون أن بداية قصتنا كانت من المنشر الحضاري: إنتم متعرفوش مين أمكم، أمكم كانت سبب شهرة محمد لمدة ساعة كاملة دي بوكسراته بقت تريند.
لينظروا أطفالها لها بصدمة و لهفة لبقية القصة، فقد انبهروا من قدرة والدتهم و مهاراتها فيما توشك على فعله، لتكمل هى بفخر آكلة بعقولهم الشهد: أومال إنتم فاكرين أمكم أي كلام ولا إيه، دي شركة قطونيل مضت معاه عقد إعلانات، عارفين إعلان داوني بتاع نور اتعرض عليا و رفضت، و لو مش مصدقين إسئلوا طنط ريڨان.
ختمت كلامها بثقة فى معجبتها الوحيدة و الأمينة، فهى لاتنسى بأنها الشخص الأول و الوحيد من أشاد و شجع قضيتها النبيلة لتخفيف التلوث البصري فى البيئة، ليأخذ الأمر منحنى بيئي و قضية بيئية بحتة و ليست فيديوهات ترفيهية لا معنى أو مغذى لها، مجرد فيديوهات تضيع بها وقتك و لعل تتعلم منها شيئًا.
أنت تقرأ
ندبات تظل للأبد (ترويض الماضي) الجزء الثاني من رواية أتلمس طيفك "مكتملة"
Romanceالحياة، و آه من تلك الحياة التى تعملك بطُرِقها القاسية مسببة لك جروح، و تتعدد تلك الجروح، منها التى تتعلم منها، و منها التى تُثْقِل معدنك، منها التى تُزين حياتك تذكرك بقوتك، منها التى تظهر واضحة على وجهك تذكرك بما مضى، منها من تدفنك أسفلها كاتمة على...
