كان يتحرك بين الطاولات بإبتسامة جميلة و مهنية سحرت كل من في المقهى، أما هى فكانت واقفة تعد الطلبات براحة كبيرة عما كانت تفعل فى تقديمها لهم، أما هو فكان يطالعها من بعيد و كأنهما هما فقط الموجودين فى المكان، يرمقها بإبتسامة جميلة و هو يرى حركات رأسها و جسدها تكاد تكون قليلة عندما إرتاحت بعض الشئ، ليعود بعد ذلك لتلقي طلبات العملاء و تقديمها مرة أخرى.
ليتناهى لمسامعه سؤال زبون يظهر عليه العبث و هو يقول:
"هو مش كان فيه بنت كدا كانت شغالة هنا؟".
ليجيبه راغب و قال برفعة حاجب:
"أيوه حضرتك عايز حاجة منها يعني؟".
ليقول الشاب بعبث:
"لا أصلي إستغربت أنها مش هى اللي طالعة تخدم علينا، هى كانت مكنة بس الحركات اللي بتعملها علينا بوظتها خالص".
لتفور الدماء بجسده بالكامل، ليمسك الشاب من هندامه المرتب و قال بقسوة:
"تخدم على مين يا روح أمك، مفيش حد هنا بيخدمك، و إن كنا هنخدم حد فهنخدم على الناس المحترمة مش على أشكالك يا زبالة".
ليقول الشاب محاولًا تجميع ربطة جشأه:
"إنت عارف بتكلم مين؟".
ليجيبه راغب و هو يتوجه به لباب المطعم و يطرده:
"لا محصليش القرف الحمد لله، و أتفضل من غير مطرود".
أما هى فكانت تراقب و تسمع كل شئ، ليدلف لها بغضب باحثًا عن قارورة ماء ليكتم بها غيظه و يطفئ نيران غضبه المشتعلة، لتقول هى بهمس خافت وصل لمسامعه:
"عملت ليه كدا؟".
ليطالعها بإستهجان و إستنكار و قال:
"و ليه معملش كدا؟، عايزاني أطبطب عليه يعني و هو بيغلط فيكِ؟!".
لتنفي هى برأسها خافية إبتسامة خجلة لموقف دفاعه عنها، فهو يعتبر من ضمن الأشخاص القليلين الذين دافعوا عنها خارج إطار عائلتها و قالت:
"لا بس إستغربت اللي حصل".
ليجيبها هو و قال:
"مش معنى إن فيه ناس قليلة بتدافع عن الغير يبقى إن دا غريب، الصح اللي بيعملوه قليل و لكنه يظل صح، و مش معنى إن اللي بيعملوه قليلين يبقى هو الغلط، الفكرة مش في العدد يا نسيم، الفكرة فى مفهوم الصح و الغلط نفسه".
ليتنهد و قال مسترسلًا:
"الغلط مفيش أسهل منه، و الصح عايز شجاعة كبيرة و مش كله بنفس قدر الشجاعة دي، او بلاش نقول شجاعة، ممكن تخليها بجاحة، و البجاحة فى الصح مش غلط، لكن لو غلط تبقى مكابرة و غباء و أنا مش كدا".
أنت تقرأ
ندبات تظل للأبد (ترويض الماضي) الجزء الثاني من رواية أتلمس طيفك "مكتملة"
Storie d'amoreالحياة، و آه من تلك الحياة التى تعملك بطُرِقها القاسية مسببة لك جروح، و تتعدد تلك الجروح، منها التى تتعلم منها، و منها التى تُثْقِل معدنك، منها التى تُزين حياتك تذكرك بقوتك، منها التى تظهر واضحة على وجهك تذكرك بما مضى، منها من تدفنك أسفلها كاتمة على...