ام عادل / اكلك ابو عادل انت شنو مطيها على مايها ومخليها بكيفها ترة هي جاهل ماتعرف اليضرها من الينفعها لا عابالك الفهم بالحجم لو بالعمر ترة هاي كلشي ماتفتهم
ابو عادل/ يامرة انه مامخليها بكيفها بس هلمرة تختلف انتي ماشفتي الولد الجاي عليها لو شفتي يصير الج حجي ثاني
ام عادل / لاما يصير حجي ثاني شني الرجال مايعيبة غير جيبة نوب يدورن حلو بنات هالوكت اسمع انه مااكدر اتحمل بنات اختك بعد تتمضيك براسنة ياهو اجاها وكالت مااريدة شني انت رجال شكبرك تمشي بكيفها
ابو وليد/ شني امشي بكيفها شو ماتعرفين تحجين شنهي تالي عمري امشي بكيف النسوان
ام وليد/جا شنهي معناها هذا ثالث واحد ترفضة وهي مطلكة مو زين واجاها ولد ماماخذ شني بت سعاد ناوية تضل محمضة على كلبي انه بناتي ماحاملتهن كافي ربيناهن وهن صغار هسة خلي يشوفن حياتهن بعيد عني احنه ماقصرنة وياهن وداريناهن وربيناهن بعد شيردن اكثر من هيج
ابو عادل /ها ذهو اني احاجيها واكلها راح نوافق على الولد
ام عادل/ تصفك اديها دشوف حضي يحاجيها ابو عادل خابرهم وكلهم مطينكم شني تحاجيها جا تاخذ رايها
.........................................................................
ام علي / علاوي يمه دخل اخطبلك وازوجك وي اخوك صارلك سنين يايمه جا انت مو اول ولا اخر واحد تموت مرتة
علي/ يمه رحمة لوالديج مااريد ازوج مابيه اتحمل حزن بعد مرتي ماتت باول طفل النه جا شكد نحس انه
ام علي / استغفر ربك يمه هذا قضا الله وقدرة ميصير نعترض على حكم ربك
علي / يمه انه مامعترض بس مااريد ازوج نفسي طابت من الزواج
ام علي / جاا يايمه اريد ازوجك وي اخوك
علي / يمه انيه مااعيب لو استصغر اخوي حسين بس يمه انتي ادرى بحالته ترة تظلمين بت الناس وياه اذا تجيبينها
ام علي/ جاا انه ماغشيتها ولا جابرتها وهي شافته وهي مطلكة يعني ماكو فرق
علي/ يمه شني ماكو فرق رحمه لهلج واذا مطلكة ترة انسانة حالها حالكم
ام علي/ خايب ماتسكت ماصدكنة لكينه وحدة بكلت ترضة بيه نوب انت جاي تحجي
علي / الله يهديكم
........................................................................
تبارك / رياض فدوة روح لا واحد يشوفك
رياض/ اروح فدوة لصوتج وهو يلفض اسمي
تبارك/بخجل تحبني ؟
رياض/ ولج شنو احبج غير اموت عليج اتنفسج
تبارك/ شوكت تخطبني صارلنة سنة على هذا الحال والله تعبت اخاف اهلي يلزموني
رياض/ وهو يورث جكارة هاا اي اي ان شاءالله بس اضبط اموري اخطبج يروحي
تبارك/ فدوة رياض بعد لتكلي صعديلي للسطح لو راح اجيج للبيت اصبر لحد منصير لبعض
رياض/ ولج شيصبرني غير من اشوفج مدري شيصير بيه
تباررررك تباررررك
تبارك/ عززة بعيني رياض روح روح اجة بابا فدوة روح
.
.
.
قريباً
#امنيه
أنت تقرأ
اليتم وظلم المجتمع
Romanceجايتكم بقصة كلش حلوة تحجي عن واقعنا العراقي بحزنة وفرحة وظلمة ونجاحة وتحيزة القصة واقعية انتضروني احبكم #امنيه
