عليا:- شبيج ليش تبجين
عذراء:- خايفة عليا خايفة
عليا:-من شنو فهميني ترة عقلي افتر
عذراء:- هواي هن شحجي ؟
عليا:- حضنتها حيل وهي شبكتني باثنين ايديها وتضغط على ضهري متت قهر واني اشوفها خايفة ومقهورة وخرتها من حضني ولزمت وجها باثنين ايدية كتلها باعيلي عذورة اني يمج لا تخافين احجيلي من شنو خايفة
عذراء:- وهي تبجي سمعت خالي راح يزوجني لرياض
عليا:- شنووو مستحيل
عذراء:- مو مستحيل لان مرتة ورة السالفة وهو يمشي بكيفها
عليا:- بقيت صافنة افكر شسوي شلون حجت عذراء حجاية حيلي انهد من وراها كعدت على حيلي كالت
عذراء:- راح احرك نفسي حتى اتشوه وتكش نفسهم مني
عليا:- شتحجين انتي تخبلتي شلون تفكرين هيج تاذين نفسج علمود واحد ميسوة
عذراء:- لطمت على وجهي بقهر مو علمودهم مو علمودهم ولج اني مااريد اتزوج مااريد ومابيدي شي غير هاي الفكرة
عليا:- وتموتين !وتعوفينا وتموتين كافرة !
عذراء:- لعد كليلي شسوي
عليا:- نكول لمهدي يساعدنة
عذراء:- مهدي مابيدة شي وامه تخاف عليه لا تورطينة ويانه
عليا:- لعد ننهزم
عذراء:- وين نروح
عليا:- لاي مكان المهم ماتزوجين
عذراء:- شوكت ونحتاج فلوس منين نجيب
عليا:- ناخذ من خالي بدون ميدري ونطلع نص الليل من الكل ينام
عذراء:- مااكدر عليا اخاف احنه عمرنة كلة ماطالعين شلون ندبرها
عليا:- فدوة اروحللج بس عوفي الخوف على صفحة واحنة ندبرها مالج شغل نسوي العلينه والباقي على الله
عذراء:- شوكت نروح ووين نروح
عليا:- اليوم نطلع من ينامون المفتاح اندل وين يخلونة اني ونروح وين ماعد الله كاع لا تخافين الله يساعدنة
عذراء:- بخوف خوش هاهية
.........................................................................
(بيت ابو علي)
علي :- من بعد وفاة ندى صارت ماسه هي كل حياتي صارت روحي بيها اروح للدوام اجي متلهف عليها وهي كبرت وصارت تعرفني وتناغي ووتجيني تزحف تسحل كلبي بسوالفها امي تهتم بيها وتحبها بس هي مرة جبيرة ماتكدر للبيت والطفلة تكلي ازوج كتلها مستحيل ازوج بعد مابيه حيل قهر ثاني
ام علي:- ولك يمه جا مو كلمن اتزوج تموت مرتة
علي:- يمه رحمه لوالديج زوجيتني قبل ولحيتي عليه وانه جنت مارايد وشوفت عينج اشصار ابنية جانت عايشة ومرتاحة جبناها وماتت بسببي
أنت تقرأ
اليتم وظلم المجتمع
Romansaجايتكم بقصة كلش حلوة تحجي عن واقعنا العراقي بحزنة وفرحة وظلمة ونجاحة وتحيزة القصة واقعية انتضروني احبكم #امنيه
