اليتم وظلم المجتمع

بارت الواحد والثلاثون

#امنيه
#اليتم وظلم المجتمع
.
.
قد يعشق العصفور سمكه
ولكن المصيبة اين سيعيشان؟
في الماء ام في الهواء
هذه هي مأسأة من يقع
في حب ماليس له!
.
عذراء:- سمعت صوت الهلاهل وطلعت من الغرفة اني والبنات بس شافتني مرت عادل خلت ايدها على بطنها وتباوعلي مبتسمه ومرت خالي حجت

ام عادل:- تعالن باركن لنوارة راح تصير ام
تعالن شبيجن واكفات

غصون:- هزت ايدها والله يالله عبالي فد شي صاير اروح اقرة احسنلي

عذراء:- كتلها الف مبروك ان شاءالله تكومين بالسلامه
جاوبت من ورة خشمها وبعدين كالت يوم الالج تزوجين وتخلفين احسن ماكاعدة هاي الكعدة

عليا:- اكيد تزوج وتخلف بس مو هسة من تلكه شخص شاريها ومستعد يسوي كلشي علمودها

عذراء:- اباوع لنور وجها انخطف لونه وتباوع لمرت خالي وسكتن ثنينهن بعدين كالت مرت خالي

ام عادل:- وانتي ام المسرحيات مالج نية تزوجين

عليا:- ايي ان شاءالله مو خطبوني كدامج البارحة

ام عادل:- وعبالج هاي خطوبة وصدكتي؟

عليا:- اكيد خطوبة ومحديكدر يوكف بوجهنة وبالنبسة لابنج كليلة لا يرجع احسن لان ينسجن ينسجن

ام عادل:- بعصبية وحقد طفرت من مكانها صارت بوجه عليا ولزمتها حيل من معصم ايدها وهي تهدد بيها
سمعي لج لا تخلين راسج براسي  انه ولدي اعز من الهوى  لاتلعبين وياي ترة الشفتي مني لا شي مقابل التشوفينه مني بالايام الجاية

عليا:- وهي تتصنع القوة ابعدي عني وعن خواتي واني ماادلناكم وبالنسبة  لمهدي ترة ماراح يتنازل على سعيد

ام عادل:- غصباً عليه يتنازل انتي طلعي منها ومالج غرض

عذراء:- اخذت جنتها وطبن للغرفة للضهر اجه عادل والولد وخالي طلعت مرت خالي تركض
وصاحت نور اللي طلعت من غرفتها عبالك عروس متميكجة وكاشخة ومرت خالي تطش بالجكليت وتكلة مبارك مااجاك يمه مبارك راح تصير أب
... صفن عادل عليها بعدين باوعلي وفرك وجها
مامبين الفرح عليه ابد بس اتصنع الابتسامه وباوع لمرتة كالها مبروك
وهي بس تتبسم وتباوعلة باركولة اهلة وراح لغرفته كال تعبان اريد انام
من بعدها كلمن رجع لشغلة بس اباوع لعادل مهموم وضايج وبس يباوعلي صرت مااطلع من غرفتي بس
من يطلع للشغل ومرتة صارت مثل الملكة ماتشتغل ابد وحتى مرت خالي ماتخليها تشتغل واكثر الشغل عليه اني وعليا
..مرن شهرين ورجع سعيد وماقبل خالي ينطي عليا لمهدي
..كليوم يأجلها وكليوم يطلع عذر وعليا ميته من القهر
واني محتارة شلون اهديها هي وغصون اللي كبرت وصارت تحجي وتعترض
الا ان بيوم خالي دز على عليا ورجعت شايطة
طلع مخيرها انو نتنازل عن بيت اهلنة مقابل ينطيها لمهدي!
من يومها وعليا تغيرت حيل وحقدت على الكل وحتى مهدي كالت بعد مااريدة صارت تكعد وحدها ساعات بس تصفن عبالك مخبلة
مرت ايام وهي ساكتة اني كلت نست السالفة وبعد ماتسوي شي الا ان بيوم كاعدين نتريك ونسمع صوت سيارات تطبك بالباب وباب الحوش نركع بكل قوته ركض خالي فتحة دخلوا الشرطة!
يدورون على مرتضى !
مرتضى جان كاعد يتريك من شافهم بهت لونه سحبو بسرعة وفتشوا البيت وراحو بالحوش بسرعة مباشرتاً عالحايط وطلعوا منه علاكة سودة !
فتحوها بيها اكياس وح_بوب
اخذوهن واخذوا مرتضى وطلعوا ومرت خالي طلعت وراهم بثوبها تعيط بالشارع وخالي يجر بيها وهي تزلغ بخدودها وتصيح يمه ابني
يمه اخذوا ابني مامسوي شي
مريضي يمااا
بقيت صافنه من الموقف مالحكت استوعب شنو شرطة ومرتضى ليش اخذوا شنو هاي الحب_وب!
بعدين استوعبت انو هاي اشياء ممنوعة
بس شمدريهم عندة هيج اشياء
التفت اشوف ردة فعل عليا
جانت ساكتة ومالها اي ردة  فعل رجعت تتريك والبيت مكلوب من العياط والهوسة وخالي يخابر هو وعادل ومحتارين شيسون
ام عادل تهسترت تدك وتلطم على ابنها وتصيح على خالي صاروا مايندلون طريقهم وسندس وسلوى يبجن ويسكتن بامهن اباوع لعليا بكل برود لمت مواعين الريوك وراحت تغسلهن  والوضع يمها كلش طبيعي
رحت يمها سئلتها بهدوؤ
الج ايد باللي صار ؟
عليا:- وهي تغسل المواعين شلون يعني الي ايد معقولة صرت مسئولة بالشرطة وماادري بنفسي لو ابيع مخد_.ات