اليتم وظلم المجتمع

البارت العاشر

عذراء:- من بعد الصار واللي اتهموني بيه بقيت بالغرفة وحدي واخواتي يرحن ويرجعن عليه صار العصر وكعد عادل كلهم طفروا يردون يحاجونة نزل من فوك واسمعهم راحوا عليه وخالي يكلة اوكف عادل اريد احاجيك.. اني طفرت سديت الباب وصرت وراه اسمع شيكلولة حجت مرت خالي

ام عادل:- ولك عويدل عفت الدنيا كلها مالكيت الاهاي افترت عليك زعطوطة لحد مالعبت بعقلك صخمت وجهنة وياهاا

عادل:- شني انتم شتحجون انه شوداني نايم بالمخزن ترة راسي مسطور وكلشي ماافتهم

ابو عادل:- انت مو ضارب عذراء وحابسها بالمخزن لو لا

عادل:- وهو يباوع بوجوهم يحاول يذكر .. هااا ااي انه حبستها بالمخزن بس وينها هسة وين ولت عذرررراء

عذراء:- صار يصيح علية ويدور لزمه خالي وكعدة

ابو عادل:- اكعد يمصخم انت البارحة ماشيلها للمخزن وانت موبوعيك كلي ليش رحت للمخزن تذكر شسويت

عادل:- طفر من مكانة كال انه رايح يمها؟ ماادري مااذكر شي وينها صيحولي اياها خلي افتهم

عذراء:- كاعدة ورة الباب ودموعي تصب وخايفة منهم رغم اني ادري مابيه شي بس حجيهم وهم متهميني كزبر جسمي من وراه اجة عادل دخل للغرفة يباوعلي بقلق وكلهم اجوا وراه كنبص كدامي ويفرك بوجها بيدة الا ان حجة بهدوؤ

عادل:- انه من ضربتج وحبستج  ورحت اذكر كلشي وجنت بوعيي بس بعدها شجابني يمج للمخزن ؟ انه سويتلج شي بدون ماادري ؟

عذراء:- اباوع عليه وميتة خوف اخاف احجي ويضربني مثل الضرب الاكلتة من الالم الحسيت بيه وهو ماهامة صرت اشوفة وحش بقيت اباوع عليهم ومااحجي شي حجت مرت خالي

ام عادل:- شتريدها تكلك مثلاً تشرحلك على صخام الوجه شوف حالها كلشي بيها يكول اكو مصيبة

عادل:- عذراء احجي لا تخافين مااسويلج شي بس كولي شصار ليش انه نايم بالمخزن

عذراء:- ماحجيت شي دنكت راسي مااريد احاجيهم صاح عادل بصوت رج البيت

عادل:- احجيييي بت الكلب خل افتهم شنو البلوة الصارت

عذراء:- وهي تشهك ماصار شي والقران ماصار شي انت اجيت للمخزن وجنت مو بوعيك واني خفت منك دفعتك وكعت بالكاع واني نزلت للغرفة يم اخواتي ماصار غير شي والحسين ... اباوع لعادل كعد على حيلة ورجع ضهرة عالحايط وخله ايدة على عيونه جرر نفس كلش قوي وزفرة

ام عادل:- انه مااصدك بيها هاي خافت وكالت هيج ابو عادل شوفلك حل لهاي البلوة اتاكد ماكو شي مو بعدين تجوني تكولون اخذيها لابنج

عادل:- يمه ترة مايحتاج يكلولوج اخذيها لابنج لان ابنج يريدها ترة عذراء الي مو لغيري سمعتوا لو لا عذراء مرتي انتضرها تكبر  سنتين مو اكثر بس يصير عمرها ١٨ واخذها