اليتم وظلم المجتمع

بارت التاسع والعشرون

#اليتم وظلم المجتمع
بقلمي✒#امنيه

............
هوَ الليلُ
دُكّانُ خيباتِنا
ومقهى نُحادثُ فيه الشجونْ
هوَ الليلُ
آخرُ هذا اليقينِ
هوَ الليلُ
أولُ هذي الطنونْ
.................................
عليا:- عيوني مفتحتهن على ام عادل وجنتها خايفة على اخواتي منهن حتى بالليل قليل انام ماخذني التفكير والقلق عذراء كبال عيني كاعد تذبل يوم بعد يوم اكلها قليل وشربها قليل دائماً تشتكي من كلبها كلت لخالي يكلي خل تنام زين وتاكل وتصير زينة بقيت محتارة المن اكول وهي تزداد حالتها والمشكلة تكول كلشي مابيه لتخافين وهي حتى النفس يضيق عدها.. الساعة جانت بالوحدة بالليل هستوها عذراء نامت هي وغصون واني كملت شغلي واجيت انام يمهن جان تفز عذراء بشهكة وتجر بملابسها مختنكة وتكول كلبي وكف مااكدر اتنفس كعدت عبالك واحد حلمان ومرعوب تنهش بنفسها وتصيح مخنوكة مالكيت على بالي غير عادل حطيت حجابي على راسي ورحت اركض فلشت باب الغرفة طلعت مرته تلعلع وتصيح وجها متروس مكياج واني ماعندي وقت صحت عادل الحك عذراء راح تموت
... طلع عادل يركض لغرفتنه شال عذراء شيل كوة خليت عبايتها عليها ورحت وياه اجر تكسي عالسريع واني ساندتها ورحنه للمستشفى الطريق كلة متوتر ويصيح على السايق حتى يستعجل وعذراء تلوب ماتكدر تجر النفس بالشافعات يلا وصلنة اخذوها بسرعة للطوارى وسوولها اجرائات وفحوصات وخلولها اوكسجين شوية هدئت وتنفست حولوها على غرفة ثانيه شوية وطلع الدكتور كال عدها خفقان وكلبها تعبان عليها ضغط وحزن متعب كلبها لازم ترتاح وتبتعد عن التوتر  والصدمات الا ان تتشافة
..انطانة العلاج كال تستمر  عليه فترة وبعدين نشوف
بقيت كاعدة يمها وميتة من القهر عليها
للصبح عادل راح يجيب العلاج كال راح نطلع بقيت واكفة بالممر التفت جان اشوف مهدي اجه باتجاهي وكفت انتظرة وكف يمي فحطان ويباوعلي بتفحص

مهدي:- شبيج بيج شي ليش جايبج عادل للمستشفى؟

عليا:- مابيه شي لتخاف بس عذراء وكعت بالليل من كلبها واني اجيت وياها
.. انت شلون اجيت شمدريك

مهدي:- انه كل فترة اخابر عادل واسئلة واوصي عليكم  وصدفة سئلتة وكال بالمستشفى كوة وصلت الف فكرة اجت ابالي عبالي مرت خالج مسويتلج شي

عليا:- لا شحدها

مهدي:- بابتسامه ادري بيج سباعية تحمين روحج واخواتج بس شبيها عذراء

عليا:- الطبيب يكول كلبها تعبان عليها ضغط وتعب

مهدي:- الله يعينها الشافتة مو شوية

عليا:- سكتت ودنكت ..بقى هو واكف بعدين كال

مهدي:-يلا انه اروح محتاجة شي

عليا:- من كال اروح ضجت حيل كتلة لا سلامتك روح  هو انتبه ودنك لمستواي يباوع بعيوني

مهدي:- شبيج ضجتي بيج شي كليلي لاتضمين عليه