اليتم وظلم المجتمع

البارت السابع

عذراء نزلنة من السيارة تقريباً الساعة ب٣ او ب٤ مااعرف بالضبط  مامصدكة اني بنفس المكان البيه اهلي لزمت اخواتي بثنين ادية منا ومنا ومرت خالي تباوعلنة بطرف عينها حجت

ام عادل:- اسمعني كلجن لاتولن هيج وهيج ترة مالي شغل بيجن اذا ضعتن طبجن مرض  لو ماعادل فلا اخليجن تعتبن الباب جرن عدل احسنلجن

عذراء:- سكتت وهزيت راسي واخواتي ساكتات لو شتسوي لو تغلط علينه كل دقيقة راضيين بس كون يخلونه نروح لاهلنة نزورهم ...نزلوا كلهم كالوا نزور الامام علي (عليه السلام ) ونوب نزور موتانة مشوا ومشينة وراهم وعادل يمشي قريب يمنه كلساع يلتفت علينه وكلشوي يكلي غطي شعرج واني شيكلولي اسوي

عليا:- عذراء احنة بدون وضوء شلون نروح نزور

عذراء :- هسة يتوضون ونتوضة وياهم

عليا:- لاترة شفتهم كلهم اتوضو بالبيت مايتوضون هسة

عذراء:- لعد شلون

عليا:- كولي لعادل ياخذنة للحمامات فدوة

عذراء:- سكتت ماريد اكلة شيكول عليه تجيني على مصلحتها شاسوي يربي وصلنة للامام وكلهم متوضين خالو والولد راحوا بقينه احنه ندخل من غير مكان شفت عادل اخر شي بعدة ماصاير بعيد صحت عادل عادل سمعني بسرعة دار وجها عليه واجة بسرعة وصل يمي كال بهمس

عادل:- عيونة ..احم ها عذراء كولي

عذراء:- اني وعليا ممتوضين شلون ندخل نزور اذا متصير  زحمة تودينة للحمامات لان منندل

عادل:- ايي صار يلا تعالوا

عذراء:- كال تعالوا وصاح على خالي والولد روحوا وانه اجي وراكم

ام عادل:- وين رايح يمه عادل

عادل:- اودي البنات يتوضن هسة اجي وراكم مااتاخر يلا تعالن

عذراء:- اخذنة عادل يمشي ونمشي وراه وصلنه للحمامات دخلت اني واخواتي وعادل منتضرنة برة كال واكفلكم بالباب دخلت ويانه مرة يطلع عمرها ب٤٠ بس  تباوع عليه غسلنه وتوضينه عالسريع وطلعنه من طلعنه اجة عادل علينه جان واكف كبال الحمامات

عادل:- ها كملتن نروح

عذراء:- ايي كملنة .. جاي نروح كالت غصون اريد مي عطشانة كتلها بصوت ناصي من نروح  نزورونشرب مي هسة ماعدنة بجت

غصون:- وهي تبجي اني عطشانة اريد مي ماروح وياكم

عليا:- ولج غصون لا اطنكرين رجائاً اتاخرنة

عذراء:- وكفت غصون بمكانها مترضة تتحرك الا تشرب  مي وتبجي شافها عادل

عادل:- شبيها شتريد

عذراء:- تريد مي هسة من نزور انطيها

عادل :- غير تحجن نمونة هسة اجيبلها ماي واجي ابقن واكفات بمكانجن