اليتم وظلم المجتمع

البارت الثالث

عذراء :- دخلوا  للمطبخ عادل يسحل بسندس الي تبجي ووجها اصفر من الخوف ومرت خالي تمشي وراهم وخايفة اول مرة اشوف مرت خالي تخاف من احد كلمرة هي المسيطرة سحلها وشمرها بالصالة واني وعليا بالمطبخ نكلي  نسمع كلشي وكلساع عينه تروح عليهم غصون اجتني تركض خايفة وكفت يمنه

عادل:- بصوت رج البيت اني كلت ممنوع ترحين لتبارك لو ماكلت

ام عادل:- ولك يمه منا الجوارين شيكولون علينه خايب استر علينه

عادل:- ها هسة همج الجوارين ومن كتلج لا تخلينها تروح مااعترفتي بكلامي 

عذراء:- اجه خالي ابو عادل يركض هو والولد

ابو عادل:- خير شكو ياستار حسكم طالع

عادل:- بصياح شوف بتك وين جانت تفتر هسة اجت

سعيد:- شبيك عادل احجي عدل وي ابوي وانتي سندس شبيج

عادل:- انجب لك شنو انت جاي تعلمني

سعيد:- لا تغلط خليني محترمك اكول اخوي الجبير

عادل:- غصباً عليك تحترمني

سعيد:- لا موغصباً عليه والله اذا اريد اسويها وياك طك بطك واشوف شتسوي

عادل:- عيونة نار واتقدم على سعيد يريد يضربه

ابو عادل:- كااافي لابارك الله بيكم تتعاركون كدامي مااستحيتوا ماحشمتوني

عادل:- محشوم بوية بس انت ما...

ابو عادل :- اسكت اسكت مااريد اسمع صوتك انتي ام عادل احجي شبيها بتج شمسوية

ام عادل:- العصر كالتلي اريد اروح لصاحبتي وكتلها روحي واتاخرت شوية

عادل:- هااا بس هيج !... شوف بوية بتك مصاحبة تبارك وهي مو بعمرها اكبر وحتلو بعمرها هي مطلكة وتعلمها سوالف اكبر منها شوف حافة حواجبها وجاية من شوكت عدنة الابنيه الصغيرة تحف هاك شوف بعينك وجاية المغرب وحدها

ابو عادل:- هي صح غلطت بس انت المفروض تنصحها مو تهجم البيت بالصياح وتضرب اختك مو عدوتك هاي

عادل:- بوية كتلها ومنعتها بس هي وامي ضربن كلمتي بعرض الحايط

ابو عادل :- اسمعي يامرة ممنوع وحدة من البنات تطلع وحدها وممنوع وحدة من بناتج تصاحب تبارك  واذا ردتن تطلعن تكللي لو تكولن لعادل فهمتي

ام عادل:- ايي هاذهو ان شاءالله

عذراء:- كملنة تحضر العشاء اني وعليا وخليناه بالصالة والوجوه مكلبة اجوا ياكلون وردت اكعد عالسفرة

ابو عادل:- بوية عذراء صيحي خالتج وسندس خل  يجن ياكلن

عذراء:- رحت اصيح سندس ومرت خالي يمها وصلت للغرفة واسمعها تبجي وتحجي