اليتم وظلم المجتمع

بارت الخامس والثلاثون

#امنيه
#اليتم وظلم المجتمع

لاتخدعك بسمه الثغر الحسن

اني اخبئ من جراحاتي وطن

لا تخدعنك بالهدؤ ملامحي

بعض البحار هدوئها لا يؤتمن .
.......
زهراء:- عرس حسوني والخطوبة والتحضيرات
ومخبوصين وصار بسرعة بسرعة كوة لحكنة
نكمل ودوامي مارايحتلة صار اسبوع
اخذت اجازة كم يوم والباقي غبتهن
وبعد العرس رجعت للدوام كعدت متأخرة نعسانه كوة امشي
تعبانة وماشابعة نوم كلة ركض ركض علمود العرس
بدلت عالسريع ورحت مستعجلة الخط
عايفني ومحتارة بروحي خابرت كومة بنات يلا حصلتلي وحدة اروح وياها لان طريق بعيد ومااكدر اروح وحدي
من وصلنة
وصلنة متأخرين شوية الابنية راحت للجامعة بسرعة بس انه
حذائي انكطع واضطريت اروح اشوفلي حذاء جديد فرحت امشي على كيف حتى لاتبين مكطوعة وتفشلني
لكيت محل احذية اخذتلي حذاء سودة عالسريع لبستها واخذت حذائي بعلاكة وضميتها بالجنطة حتى متبين
عاد عدلت نفسي ومشيت بثقة راجعة للجامعة
صرت قريبة عالجامعة وشفت استاذ ضرغام واكف يم مكتبة قريبة ويحجي بعصبية ويأشر بس مااشوف منو مقابلية اشوف بس ضهرة
اخذني الفضول وضليت احوس ماكدرت اروح للجامعة رحت لسوبر ماركت مقابيلهم وسويت نفسي اشتري
واباوعلة شفت الوياه جانت نفسها الابنية اللي شفتها وياه بالمطعم !
منو هاي الابنية وشتريد منه وليش دائماً من يحجي وياها يكون منفعل وعصبي
بقيت اباوعلهم بس مااسمع
والناس اللي بالماركت اشتروا وراحوا بعد انه المن واكفة عفتهم ومشيت بس عيني عليهم
جنت متوجها للجامعة شفت استاذ ضرغام عافها وراح
وهي بقت تبجي وفجأة تخربطت اوضاعها رادت توكع وسندت نفسها باايدها عالكاع
ماكدرت اعوفها رحتلها ركض اساعدها انطيتها ايدي وكومتها كعدت عالرصيف جبتلها مي شربت سئلتها
بيج شي محتاجة شي اوديج مستشفى جاوبتني بتعبت

غادة:- لا شكراً مااحتاج شي شكراً لمساعدتج

زهراء:- لا عادي ماسويت شي الناس للناس
احم ولو تدخل مني استاذ ضرغام شيصيرلج ؟
..باوعتلي بقلق وكامت وهي تنكت بملابسها
حجت بهدؤ

غادة:- ليش انتي تعرفين ضرغام؟

زهراء:- انه طالبة عندة بالجامعة

غادة :- هاا يعني متعرفي معرفة شخصية؟

زهراء:- بعدم فهم لا مااعرفة

غادة :- تمام ، يلا من رخصتج حبيبتي تعبتج وياي

زهراء:- لا العفو اهلاً وسهلاً
راحت وانه مثل الثولة واكفة بنص الشارع اباوع وراها شكد حلوة ونازكة شكلها تطلع اصغر من استاذ ضرغام بشوية بس جميلة عبالك هستوها شابة ومن تبجي تصير احلى هسة تطلع مرته اكيد بس لا هو مامزوج يكولون
بس شمدريهم واحد مثلة يبقى بدون زواج مامعقولةالف وحدة تتمناه ..اووه هسة انه شعليه بيه محتارة بضرغام ومرته وعايفة محاضراتي
مشيت بسرعة للجامعة لكيتهم داخلين محاضرتين
والمحاضرة الثالثة هستوهم دخلوا رحت مستعجلة
نسيت الحقنه محاضرتة اليوم
دخلت صار بوجهي استاذ ضرغام يشرح والقاعة هدؤ
اتصنمت لابيه ارجع ولا بيه اتقدم
اشرتلة بايدي وصوتي اشبه بالهمس ادخل؟