اليتم وظلم المجتمع

البارت الخامس

ابو عادل :- انه شجم مرة كايلك لا تمشي وي ذولة ربعك الهتلية كلت لو ماكلت

سعيد:- شني بوية ترة ماصارت هاي كلما اطلع وي جماعتي تضل تصيح وتجي ترزلني كدامهم شني جاهل انه

ابوعادل:- ارزلك واكسر راسك شني ماتصاحب بس المتردي والنطيح مامخلين مكسورة تعتب عليهم

سعيد:- كلشي مابيهم بس انت تضوج من يمي مو هذا عادل عندة كومة صحبان مايوم شفتك حجيت عليهم بس انه متوليني يمه احجيلج شي ترة مليت

ام عادل:- عوفة ابو عادل مابيهم شي جماعتة اشو كلهم من المنطقة ونعرفهم

ابو عادل:- انتي ماتعرفين شي يامرة كاعدة ابيتج ماتدرين ربعة حتى م-خ .ات ياخذون شتحجين تردين ابنج يسكط

سعيد:- وهو يطلع  كلشي مابيهم والله مااتمنعوني من يمهم لو شيصير انه اعرفهم اكثر منكم ..ركع الباب

ابو عادل:- هاج شوفي شيعلمونة مايحترم اهلة وميت عليهم جي اصدقاء سوؤ وتردين اسكت

ام عادل:- بعدهم شباب طيش شباب ونوب يردون لوعيهم هسة دعوفة واكفلة عظم بالبلعوم

ابو عادل:- مو طيش شباب هذا استهتار هم جنه شباب مثلهم ماسوينه هيج تردين اعوفهم ويصخمون وجهي ذاك اليوم عويدل  شارب متهجم على بت عمته لو مسوي بيها شي شاكول شحجي

ام عادل:- ختولي وحدة ادبسزز هي تفتر وراه حتى سندس شايفتها بعينها وين مايروح تفتر وراه

ابو عادل:- صدك هذا الحجي ام عادل لو جي تكرهينها

ام عادل:-  وهي ادك صدرها يااع اني اكرها شعندي وياها ياستار مجتفة لابو فاضل هي سنيدس كالتلي

ابو عادل:- شتريد منه تفتر وراه مو بعدها فرخة جاهل

ام عادل:- تنفخ بثوبها من جهة الصدر انه مااخلي بذمتي الله يعلم شتريد منه بس بت اختك مو راحة ياابو عادل وانه كتلك بعد

ابو عادل:- يصير خير
.........................................................................
(بيت ابو علي )
ام علي :- يمه علاوي اريد اكلك على شغلة واخذ رايك بيها

علي:- ايي يمه كولي خير ان شاءالله

ام علي:- ذاك اليوم اجتني ام عزام جيرانه تريد تخطب زهراء لابنها عزام واني كتلها اشور اخوانها واشورها واردلج خبر انت شتكول

علي:- ايي خوش ولد عزام وانه معاشرة صار سنين وزهورتنة تستاهل واحد مثل عزام كتيلها ؟ راضية هي

ام علي:- لا يمه بعدني ماكايلتلها كلت اشورك ونوب اكلها

علي :- كليلها وشوفي شتكلج

ام علي:- ايي ان شاءالله واريد اكل لحسوني

علي:- دصيحي يجي يمنه شبي معلك بغرفته ليل ونهار