اليتم وظلم المجتمع

بارت الثلاثون

بقلمي ✒#امنيه
#اليتم وظلم المجتمع
.
.
ماكو
واحد يقرة
حزنك
نام
يالمتعوب
وحدك!
......................................
زهراء:- حسيت بنفسي غبية ومنكد الفشلة صرت مااشوف منو كدامي بس افكر شبيه نثولت ورحت لمكتبه.. امشي سريع وبالي مو يمي فجاءة نضربت بشي قوي اهتز راسي من الضربة باوعت جان اشوف ولد شاب عكدت حاجبي بضجر ونويت ارزلة بس هو اعتذر بأدب وكعد يعرفني على نفسه طلع طالب وياي بالقسم بس مااعرفة وضل يلح بالكلام وانه خجلت منه ماكدرت اعوفة واروح بقيت اجامل واريد بس انهزم اتلفت هيج وهيج بلكي اشوف استبرق تنقذني ... لمحت دكتور ضرغام فات من يمنه بيدة جنطتة باوع عليه وعلى عمر الولد اللي وياي بالقسم ورجع نظرة الي وابتسم ابتسامه جانبية ساخرة ولبس نضاراته وتوجه لباب الجامعة .. احس دمي فار من القهر لان شافني واكفة وي الولد وابتسامته يقصد بيها انو انه مو زينة ماادري شسوي الف فكرة اجت براسي والولد يحجي صرع راسي وانه كلشي ماسمعت كتلة من رخصتك ورحت حتى ماانطيته مجال يحجي .. مشيت بهمة للقسم لكيت استبرق كاعدة وتسولف وي البنات ذبيت قهري بيها
... انتي وين جنتي مختفية ادورج وماكو
استبرق:- شبيج زهراء ليش هيج حالتج
زهراء:- عفتها وطلعت اجت تركض وراي وتريد تفهم مني شكو شبيج بس انه بنفسي مادري شبيه ماحجيت الها شي خفت تلومني بس كتلها هذا عمر لزكلي وردتج تخلصيني

استبرق:- يمعودة هسة انتي ضايجة وحالتج حالة من ورة عمر ترة هو هيج وي الكل اللي يلزمة ميعوفة يحجي هواي

زهراء:- لا انه موومنه بس ماادري شبيه مالي خلك اريد اطلع للبيت وبعد ساعة ونص يلا يجي الخط

استبرق:- وين تروحين ترة بعد عدنة محاضرة استاذ ظرغام

زهراء:- ماريد ادخل محاضرتة اليوم مالي خلك انتي روحي انه راح اكعد بالحديقة بين ميجي الخط
.. بقت استبرق واكفة محتارة بعدين كالت ابقى وياج ماادخل بقينة كاعدين انتبهت طلاب القسم اغلبهم طالعين سئلت بنية ويانه كلتلها دكتور ظرغام طالع بشغلة طارئة مياخذ محاضرة اليوم

استبرق:- اييي بعد احسن منشوفة الحقنة

زهراء:- سكتت بس بداخلي فضول مو طبيعي ياترى شنو الشي الطارئ طلعة من دوامة وليش هيج باوعلي
........................................................................

عذراء:- فجأة بدون مقدمات لزمت جلكان بيه نفط ودارته على نفسها فتحت عيوني على وسعهن وكلبي ضل يركع من الخوف اريد احرك رجليه مايتحركن واكفة بمكاني واباوعلها تطلع من حلكي بس كلمة لا لا
وهي عبالك بغير عالم اباوعلها رفعت ايدها بيها جداحة  ..هاي شوكت اخذتها ماادري تريد تشعل نفسها واني بس اعيط لا عليا لا .. اجت سلوى شافتها عاطت ونزلت تركض دقايق واجوا كلهم وكفوا يمي مايكدرون يتقربون يمها بس نتقدم خطوة تضل تعيط وتهدد ابجي بحركة واتوسل بيها
عليا حبيبتي ليش هيج تسوين اني وين اروح بعدج مافكرتي بيه مافكرتي بغصون منو النه غيرج ذبي الجداحة من ايدج فدوة اروحلج