اليتم وظلم المجتمع

بارت الرابع عشر

(بيت ابو علي)

زهراء:- دخلت لبيت اهلها وهي تبجي

ام علي:- ها يمه شبيج ياستار عليش تبجين

ندى:- شكو زهراء شبيج اهلي بيهم شي؟

زهراء:- لا ماكو شي بس انه ضايجة واجيت يمكم

ام علي:- تعاي طبي شو تعاي شبيج ضايجة يبعد امج شنهو المكدرج

زهراء:- شهكت وخلت راسها بحضن امها يمه صارلي سنتين وما حبلت ماخليت شي ماسويتة.. رفعت راسها شافت ندى واكفة كملت حجيها ندى مو غريبة واحجيها كدامها عمتي ام عزام اكلت راسي يومية تعيرني وتكلي انتي عاكر انه اريد اشوف وليدات عزام اذا ماحبلتي هاي السنة ازوج عزام

ام علي:- ياااع شجاها المرة جاهنة سنيتن الناس تصبر سنين شنهي بكيفها تزوج عزام عليج وحك هو علي اكلب البيت على روسهم

ندى:- ماراضية عالكلام وضاجت... حجت عمه ترة امي ماتقصد بس يمكن جانت ضايجة وحقها تتمنى زهراء تحبل

ام علي:- جاا مو انتي بعدج ماحبلتي شو ماحجينة

ندى :- انه صارلي شهور من تزوجت ماصار هواي

زهراء:- يمه فدوة انه مااجيت حتى تتحاجين انتي وندى اجيت ضايجة اريد ارتاح شوية

ندى:- هزت ايدها وراحت و هي تروح لغرفتها والله يالله انه شعليه فوك ماساكتة على ابنهم العاشك مدري بي حالة نفسية الحمدلله والشكر هذا حضي
.........................................................................

سلوى :- عليا تكول امي نضفن السطح انه وياج وعذراء

عليا:- اهوو امج حتى هنا ماخلصنة منها

سلوى:- دكومي يمعودة شرادلة نتونس بيه شوية

عليا:- لعد روحي صيحي عذراء اني راح اخذ الماسحة واشغل الماطور

سلوى:- عذراء تكول عدها شغل امشينا بس انه وياج

عليا:- صعدنه فوك باب البيتونة ردينا رد ماقفلناه اول شي عزلنة السطح بعدين شغلنه المي وبدينة نغسل جانت صوندة المي بيدي وسلوى تمسح بالماسحة ونسولف منطلقين بعدين بديت اخبث على سلوى نكعتها بالمي ومتت ضحك هي تعيط واني ارش عليها  بقت تتلاوه وياي اخذت الصوندة مني  كتلها لا حبابة استسلم والله هاج شوفي رفعت ادية ليفوك   نكعتي تنكع اني اشرد منها  وهي تركض وراي وتضحك وكعنا بالكاع من الضحك والركض السطح افترينة بيه يمكن خمس مرات ملابسنة منكعة وشعرنة لازك على وجوهنة طالع من الحجاب

سلوى:- وهي تعصر بملابسها خرب يومج عليا هسة شلون ننزل باعي ملابسنة لاطشة علينه اهوو هسة اكيد امي تملص اذاناتي

عليا:- ههههه اني هم امي عذراء هسة تكفخني

سلوى:- هههه خرب يومج صدك امج عذراء صايرة الجن ام واب