اليتم وظلم المجتمع

بارت التاسع عشر

#امنيه
#اليتم وظلم المجتمع

أسند روحَك بروحَك
محَد توجعه جروحَك
الوجَع بس أنتَ الـ يأذِيك
كلهُم يواسونَك
محَد يدرِي شنهوُ الـ بيَك
محَد منتبِه مَكسور
أتفَه سالفة تبَچيك .

الساعة الثالثة ليلاً

عذرا:-الخوف والقلق البداخلي بهذيج الليلة انحفر بعقلي...
عيني المفتوحة واحس نابته بيها مثل الشوكة كلما اريد اغمض احس حرارة وتشتعل بيهن كلساع اكول ايي انهزم اني واخواتي ونوب ارجع اكول لا خاف يصير شي
... نايمه بفراشي وعيني عالسكف شكلي هادى وساكت بس بداخلي هوسة وخبصة والف شعور التفت على جهتي اليمنه اختي الصغيرة غصون غاطة بنوم عميق
..  التفتت على جهتي اليسرى فراش عليا فارغ!
مثلي مانامت ولا غمضت عينها موقفها اصعب من عندي لان هي صاحبة الاقتراح ..

سحبت الغطة وغطيت راسي
دكات كلبي ممنتظمة
احساس  مو حلو عندي يكول
لاتنهزمين لا تخلين اخواتج يرحن
واحساس ثاني يكلي
هاي فرصة حتى تخلصين من الظلم
هدئت بمكاني كجسد بس عقلي ابد
ماهدئ ولا راح يهدئ خايفة حيل خايفة من المصير المجهول
حسيت على ايد عليا وهي تكعد بيه
عذراء اكعدي!
بس صوتها جان همس رفعت الغطاء كتلها مانايمه

عليا:- كومي خلي اكعد غصون هسة هدوؤ والكل نايم  خل نطلع قبل مايكعدون

عذراء:- علياا اني خايفة احتمال يلكونة شيسون بينه وانتي تعرفينهم وتعرفين خالي النذل هو و عادل يردون بس زلة علينه

عليا:- اسكتي بس لا تفاولين وميلكونة هسة كبل نروح للكراج ونطلع لبغداد وين يلكونة بعد نروح يم عمامنه وهم يحمونة واصلاً ميكدرون يسون شي اكو قانون يحمينة

عذراء:- بس عمامي مايردونة واصلاً احنه مانندللهم وين عايشين

عليا:- كافي عذراء كومي لتاخرينة لعد احسن ننهزم  لو احسن تاخذين رياض الفاسد!

عذراء:- كمت بدون صوت عبالك جنت مسيرة كعدت غصون جانت نعسانة بس ماحجت اي شي ولا  ناقشت وين منروح هي ويانه عليا جانت ماخذة فلوس من خالي شلون ماادري وماسألتها فلوس على كد كروة مو اكثر  طلعنه على اطراف اصابيعنه جان الجو هدوؤ بس صوت الهواء عالي طلعنه من باب البيت مامشينة عالشارع دخلنه بالبستان نمشي البستان ظلمة ويخوف وصوت الحيوانات بس الله يعلم بهذاك ليوم
كلساع نفز من نسمع صوت ونخلي ايدينة على حلوكنة عدنة لايت صغير نضوي بيه ..

عليا تمشي ونمشي وراها ماندري وين نروح نمشي وراها وندعي الله ينجينه وصلنه لراس الشارع الجو بيه برودة فوك النص ساعة واكفين عالشارع مامرت ولا سيارة..
ماادري عقلي شيفكر  عليا عدها اصرار وعزيمة تطلعنا من الاحنه بيه

عليا:- امشوا نبتعد بعد اكثر خاف يلحكونة

عذراء:- عليا امشينة خلي نرجع خاف يصير شي اني كلبي مامرتاح