اليتم وظلم المجتمع

بارت السابع والثلاثون

#امنيه
#اليتم وظلم المجتمع

راأيته بين الملامح كلها مبتسماً
والنار في قلبي الغيور دمار
افلا كففت تبسماً لعيونهم
اني اموت من الهوى واغارُ!
.......................
عليا:- كعدت الصبح كالعادة الشغل مايخلص
اشتغل الصبح اكثر شي اني لان غصون تقرة وذنيج اميرات يكعدن متاخرات
..اليوم محد موجود بس اني والبنات ومرت خالي يمها سلوى انتبهت سندس ماكو مالها حس
دورت عليها لكيتها فاتحة باب الشارع وواكفة تأشر لواحد ومطلعة نص الشعر وتارسة وجها مكياج
دفعتها بسرعة وباوعت من الباب اريد اشوف المن اتأشر شفت رجال يطلع عمرة بالاربعين شعرة واكع من النص وكرشة شكبرة ولابس قميص وبنطرون فضفاض وشكلة يخوف وابد مو راحة من شافني دار جها وراح
سديت الباب والتفتت على سندسض كتلها
انتي مااتوبين شوكت تبطلين سوالفج الطايح حضها وتنتضرين نصيبج

سندس:- هههه والله ضحكتيني صراحة مااريد اضحك
انتي مخلصتها وي مهدي حبنجيات وجاي تبيعين شرف براسي

عليا:- البيني وبين مهدي اكبر من انو يكون علاقة طايح حضها وسوالف سخيفة البيني وبين مهدي حب طاهر عفيف صارلنة شكد نحب بعض وماحجينة سوة الا مرات معدودة وهو اجه وخطبني على سنة الله ورسولة بس ابوج واكف بطريقنة

سندس:- مالي علاقة بيكم ومثل ماانه مالي علاقة بيكم انتي هم لاتتدخلين بيه

عليا:- ترة رجال شايب يضحك عليج مايحبج

سندس:- يحبني وراح يجي يخطبني غصباً عليج

عليا:- على فكرة لا ابوج يقبل ينطيج ولااخوانج
ولاحتى امج

سندس:- مو بكيفهم ولابكيفج

عليا:- خلت وراحت هزيت ايدي ومشيت
شبيها العالم تخبلت
رحت اكمل شغلي ونسيت السالفة مرت اسابيع
تقريبا اسبوعين  واجو ٣ زلم خطار على خالي
مااهتميت عادي بس شفت سندس تلوب عبالك وحدة تطلك تريد تجيب
هناا شكيت بالموظوع وبقيت اتصنت عليهم جان هدؤ
بس شوية وسمعنة صياح وحجي اباوع لسندس صار وجها اصفر وعينها على باب الاستقبال
راحوا الخطار ودخل خالي ووياه سعيد مثل الثور الهايج خالي كبل هجم على سندس لزمها من شعرها

ابو عادل:- ولج هاي تالي تربيتي بيج ولج هيج تسوين بينه

عليا:- سندس ترجف من الخوف وتكلة ماسويت شي كلشي ماسويت

ابو عادل :- شعدج وي هذا الزلمة ولج

سندس:- ماعدي شي وياه ماسويت شي

سعيد:- بوية اطينياها انه اعرف دواها

ابو عادل:- احجي ولج مين تعرفينه

سندس:- مااعرفة

سعيد:- جااا شلون يكول هي كلتلي تعال اخطبني