اليتم وظلم المجتمع

بارت الثالث عشر

(بيت ابو علي)

زهراء:- يمه سمعتي اشصاير بجيرانة

ام علي:- اي اسم الله الرحمان مصيبة

علي:- وهو يفوت للبيت السلام عليكم

زهراء:- عليكم السلام حبيبي تعال اكعد اصبلك جاي والله مشتاقتلك هذا دوامك حارمنه منك نوب جيتي تصير وي التحاقك

علي:- بعد اخوج وعيونة شسوي بعد لازم اشتغل خما اضل كاعد ايي شلونج عزام شلونه وياج

زهراء:- الحمدلله بنص الخير

علي:- قبل شوية لاكيت عزام يسولفلي على جيرانكم خطية

زهراء:- ايي والله اجتهم مصيبة كلها تحجي بيهم نوب والله هم خوش ناس يعني صارلي اكثر من سنه يمهم حتى ماشفت بناتهم يطلعن ولا شفت عليهم شي مو زين فجاءة صار عياط وزلم مسلحة ترسوا الشارع ووعزام وعمي والولد كلساع يكولون شكل مافهمنة شنو السالفة بس فجاءة ندك الباب حيل طلعت عمتي والولد يركضون وانه من شباك المطبخ اباوع وشفتها بعيني دمها يصب وايديها مكطمات طفلة صغيرة تكسر الكلب يمة بوكتها مانمت بالليل من المنضر نوب احنة وياهم الباب كبال الباب حتى صوت الطلقة من كتلوها سمعتها

علي:- خطية الله يساعدها صغيرة ولعب بعقلها المايخاف الله والشيطان شاطر الله يستر على بنات الناس

ام علي:- ايي والله يايمة الشيطان دمر الشباب تسوي الحرام وماتدري بروحها ايييه صعبة عالاهل هاي الفضيحة الله يعينهم

علي:- هو الولد طلع ابن بيت ابورياض عشيرة ---- بعد عنة ٤ شوارع قريب على بيت ابو عزام واهل الابنية جايبين رمانات واسلحة دكوا بيوتهم ونوب يردون يفجرون بيوتهم بس الجيران ماخلوهم الناس خافت على بيوتها وارواحها جاا بس يفجرون بيت البيوت اليمهم تتضرر

ام علي:- يايمة الرحمان شنهي نوب صارت بالقنابل دخيلك ربي الله يستر علينه وعلى امه محمد

علي:- امين يارب

ام علي:- اكلج يمه زهورة نداوي شلونها

زهراء:- وهي تباوع لعلي بابتسامه زينة يمه تخبل ونادرة معدلة

علي:- بضحكة هااا شو تباوعلي

ام علي:- ايي يبعد امك جا مو كتلي افكر

علي:- انه ماريد هسة ازوج يايمه ياحبيبتي انه رجال عسكري تتبهذل الابنية وياي

زهراء:- علاوي شنو هذا الحجي اذا كل الناس تفكر مثلك محد يزوج بعد ترة اكو هواي ناس عسكرية ومزوجين وطلعوا تقاعد والله حاميهم والحمدلله حياتهم ماشية والله الابنية مؤدبة وحبابة وحليوة وهااا على فكرة شوفتها صورتك وانعجبت بيك

علي:- هاا تسون من وراي وكايلة للابنية هسة شتكول عليه ناقص غيرة وحاط عينه على عرض صاحبه