اليتم وظلم المجتمع

بارت الخامس والعشرون

اليتم وظلم المجتمع

بقلمي#امنيه✒

الروح ضمأى والفؤاد عليلُ
والليل من الغياب طويلُ
أين اللذي زرع الامان بداخلي
فالخوف في عمق الفؤاد نزيل

........... 

عليا:- وصلنه للبيت تعبانين هلكانين والوجوه ضايجة مهما يكون ذيج الايام بس تعودنة على الناس واللمه اني طلعت كلبي فارغ ..
رجعت كلبي  مهموم  بفراك اختي  .. وفراك وليف الروح...

اول مادخلنة جان البيت وصخ ومترب ومكلوب يرادلة كومة تنضيف ورجعت سندس تتأمر جنت خلصانة منها وي الهوسة والناس هسة اول ماوصلنة كالت

سندس:- يلا عليا همي ايدج ونضفن البيت شلون نكعد على الوصخ

عليا:- ترة اني تعبانة حالي حالج طريق طويل وحارة مااكدر انضف اريد ارتاح

سندس:- باعي لج ترة راحت ايام الدلال جري عدل احسلج انتي مايطكج عرج نضفي البيت ونجبي

عليا:- درت وجهي وبيدي غصون اريد افوت للغرفة كتلها .. هو بيتج نضفي انتي بالاول وبعدين اتأمري علي غيرج و يادلال هذا التحجين بيه ليش اني عمري كلة شفت دلال !
.. لزمتني من عباتي وجرتني عطت بيها عوفينيييي
بقت مصدومة من ردت فعلي اجه عادل

عادل:- بدة اللعبان نفس مالتجن باعن ترة روحي طالعة بالقران الاسمعلها صوت انضف بيها البيت

عليا:- عفتهم ورحت للغرفة الجنه كاعدين بيها اني وخواتي غصون ساكتة وهادئة بس تباوع بعيونها ادري بيها ضايجة بس تخاف من ردة فعلي ادري بيهاتريد عذراء بس مابيدي شي اخخ دخيلك ياربي والله صار الحمل ثكيل عليه شأحمل وشأخلي جريت غصون يمي ونمنه جفي من التعب .. فزينةعلى صوت الثعابيين اللي بالبيت ام عويدل وبناتها عدا سلوى مرات ماتصير ثعبان ...
كعدت غصباً عليه بيه مابيه نضفت وياهن البيت للمغرب صار البيت يلمع .. كلمن رجع لحياتة ورجعنة للروتين التنضيف والمشاكل المستمرة  ... كل يوم اتوسل بخالي حتى يسجل غصون بالمدرسة لان جان  وقت تسجيل وراح يبدي الدوام دست على نفسي وضليت اتلوك الهم في سبيل بس يسجلون غصون والحمدلله قنع خالي وسجل غصون وكوة دبرنة الها ملابس مدرسة جانت صدريتي ضامتها من ايام المدرسة بس يحتاجلها ترتيب وخياطة.. شفت مرت خالي طالعة توسلت بيها تاخذ الصدرية وياها للخياطة تكلي مااعرف خياطات واثناء مجاي احجي وياها ندك الباب وواجت صاحبتها ام عزام وكعدن سوالف وحش بالعالم .. اخذت الجاي واسمعها تكلها طلكناها جنتنه الخياطة  غير طلعت عاكر  ومرت خالي منطلقة بالسوالف .. اني حشرت نفسي وكتلها خالة هي بعدها تخيط اريد خياطة زينة

ام عزام:- وهي تشرب جايها ايي بعدها تخيط ابيت اهلها

ام عادل:- هي نفسها المرة كتيلي خياطها حلو ؟