اليتم وظلم المجتمع

البارت التاسع

(بيت تبارك)

تبارك:- رياض صدك هذا السمعتة صدك انت مرقم بت ابو سلام اليمكم وراح تزوجها

رياض:- شني ازوجها شبيج مخبلة ماازوج انه اذا اريد ازوج ازوجج انتي يروح الروح

تبارك:- جاا شني الناس تجذب يعني انه سمعت ذابلها رقمك وحتى صارت مشكلة

رياض:- شبيج تبارك يعني تصدكين الناس وماتصدكيني ترة يتبلون عليه العالم شعليه ابت ابو سلام هي مدري منين جايبة رقمي وتكل لاهلها ذبلي الرقم تريد تطلع روحها من السالفة

تبارك:- يعني الحجي مو صدك

رياض:- لا مو صدك وحتى تصدكين ترة رحنالهم واطيناهم فلوس وبوس عمك ومدري شني وسكتوا لو صدك انه مرقم بتهم جاا ماسكتو... يهمس لنفسة كبرر ماعدهم غيرة بفلوس سكتوا.. احم مادام ماتصدكيني وماتثقين بيه انه اروح

تبارك:- لا اوكف لتروح ...وهي تلزم ايدة  اسفة حبيبي بس والله انه من غيرتي عليك هيج حجيت وياك مااتخيل غيري تاخذك

رياض:- انه مااحب غيرج لو اموت ولا اباوع لغيرج ولج انه اموت عليج اتنفسج

تبارك:- بخجل رياض لتخجلني

رياض:- فدوة اروح لخشمج

تبارك:- هاا يعني انه خشمي جبير

رياض:- لا بوية جاا غير احب خشمج جي صغير وحلو ..هسة احنه نضل نسولف امشينة نطب جوة للبيت اهلج نايمين ؟

تبارك:- اي من زمان

رياض:- ههههه لازم مكثرتلهم

تبارك:- غير انت كتلي

رياض:- يلا امشي يروحولج فدوة كل عشيرتي

تبارك:- بضحكة قوية هههههه ريييااااض
.........................................................................
عن لسان عذراء:-
"ودي أبوگن جِسمي وأبعد
ودي أفُك باب السنين السودة وأشرّد
مَدري شگد حزن روحي ولا ينعد
ضعنا وما لگينه گلوب بيها الرد
انا السديت عيني و گلبي يبچي
وگـلبي يرفس هِدمِي ما ضلت ضلوع "

عذراء:- شمرني بالمخزن وحضر الصوندة يريد يضربني بيها متت من الخوف وكلبي يرجف قبل جسمي كتلة ..فدوة بس فهمني اني شسويت ليش تضربني

عادل:- تردين تعرفين ليش اضربج مو مسوية روحج ماتدرين اليوم انعل ابو ابوج بت الكلب تستشرفين عليه ووي غيري بايعتها شوفي هذا شنو ياهو التخابرينة احجي بسرعة اليوم اطلع جنازتج وجنازتة

عذراء:- طلع من جيبة موبايل صرصور ايي هو نفسة موبايل سندس عقلي مجاي يجمع افكار اني شعليه بموبايل سندس كتلة .. اني شعليه بهذا الموبايل ترة موبايل اختك سندس جابتة الها تبارك روح اضرب اختك موتضربني

عادل:- هه ولج عليمن جاي تضحكين هذا الموبابل الج وسامعتج سندس تخابرين بحبيب الكلب وانتي مهددتها اذا تحجي تكولين الموبايل الها وجايبتة الها تبارك عبالج تمشي عليه هاي سوالفج ولج انه عفتج بالمكبرة دقايق اجيت لكيتج تحجين وي ولد