اليتم وظلم المجتمع

البارت الثاني عشر

عذراء:- من بعد ماطلعنة من بيوتنة ورحنة  عشنة كلنة سوة نسوان خوالي وولد عمهم يعني شكو شخص جان يصير اقارب بيت خالي ابو رياض انهزموا من المنطقة لان بيت اهل تبارك مهددين الكل نهزمنة كلنة وعشنة  بغير محافظةجانوا هواي اشخاص واكو بيهم مااعرفهم لان ممتخالطين اني وخواتي وياهم و رياض جان هناك مثل الملك خايفين عليه ومخلينه معزز مكرم ماعبالك مسوي شي حرام ومسوي مصيبة الكل محضر اسلحة اول مرة اشوفها لا شايفتها بصورة ولا بالحقيقة ورمان وقنابل خايفين يندلوهم ويجوهم مرت ايام خالي ابو رياض وخوالي الباقين وشيوخ  وكم شخص من اقاربهم يرحون لبيت اهل تبارك حتى يحلون السالفة بدون دم وحرب بين العشاير
جانت عيشتنة كل غرفة بيها كومة نسوان وبنات انام سوة والزلم هم هواي بغرفة ومتوزعين عالغرف ونطبخ هواي والنهار كل انضف البيت جبير كلش ومخلوط اشكال الناس كلشوي ادور على اخواتي اخاف عليهن ماعرف هاي الناس جنت بالمطبخ يم النسوان يطبخن   عليه المواعين التطلع اغسلهن والبنات البعمري وسندس وسلوى همين يشتغلن بس مو يمي وكلساع واحد من الولد يجون يردون شغلة من امهاتهم اني اغسل مواعين مامهتمة اجة ولد شاب حمحم حاجتة امه
-ها مهدي تريد شي

-ايي والله اريد ماي وحباية بندول شو راسي يوجعني

-ايي جاا هسة اجيبلك اوكف .. عذراء خالة عينج عاالطاوة لا يحترك الاكل

عذراء:- ايي خالة ميخالف

-احمم شلونج خوية

عذراء:- درت عليه سكتت شوية بعدين كلت زينة

-انه شفتج من اجيتي وي بيت ابو عادل بس ماعرفتج هسة يلا عرفت اسمج

عذراء:- ايي موضروري تعرفني

-  لا يعني كلت نتعارف بما احنه صرنة عائلة وحدة بعد تعرفين التمينه من ذيج السالفة

عذراء:- مدام تعرف ليش ملتمين شكو تريد تتعارف بعد الكم خلك هاي السوالف .. بعدة يريد يحجي اجت امه انطتة العلاج شربة ورجع حجة

-اكلج يمه منين هاي الابنية شو مااعرفها

-هاا هاي عذراء بت اخت ابو عادل من بغداد اهلها توفوا واجت يم خالها هي واخياتها خطية

عذراء:- خرطتهن كلهن كلت امداني حجتلة قصة حياتي حتى من اريد اصير غامضة محد يخليني بحالي
باوعت عليه على وجها ابتسامه مال واحد يتحدى عود لان ماكتلة وعرفني كال

-هاا الله يرحم اهلج جاا مو غريب انه مهدي  ابوي ابن عم امج شهيد

عذراء:- حجيت كوة  اهلا وسهلا بيك درت وجهي اريد اطلع من المطبخ كال

-يلا المرة الجاية اتعرف على خواتج

عذراء:- خزرتة ورحت خاف جنت خايفة على خواتي قبل هسة متت من الرعب من شفت نضراتة ويدور تعارف والشباب تارسة البيت وصلت لمرحلة من اشوف عادل صرت احس بالامان لان الوضع يخوف واخواتي صغار غصون كل عمرها ست سنوات وعليا ١٥ سنه ...  خوالي من يرحون يتفاوضون يبقون هناك لان الطريق بعيد فتوصل الاخبار بالتلفونات بقوا يحالولون وي ابوها واخوانها ابوها مريض كلش فاكثر الحجي لاخوانها كوة قانعيهم يزوجونها لرياض بعدين تغير كلشي  من عرف عمها ماقبل يزوجوها يكول اغسل عاري ثاني يوم اجانة خبر تبارك ماتت اهلها قتلوها ويردون رياض يقتلونة وعارفين بمكانة ولازم ننهزم بيومها البيت انكلب كلاب  رياض جان ميدري شكو وكلولة الابنية قتلوها توقعت راح ينقهر راح يخاف او عالاقل لمحة ندم بعينه ملكيت شي جانت عينة صلفة حيل بس كال الله يرحمها اخذوا ومسوين حماية الة ولد عمامة وولد عم ابوه كلهم محتارين بيه وهو سبب كل الدمار دمر الابنية وضحك عليها بحجة الحب  ودمر عائلة جانوا عايشين بامان الله ركبهم العار وهو مابيه شي ياكل ويشرب ومحد يكلة على عينك حاجب بوقتها شكد بجيت عليها ودعيت على رياض الفاسد تذكرتها من مرة اجتنة وفتحت الها الباب نقهرت حيل عليها خطية مهما يكون هي بس هم خطية خسرت حياتها واخرتها  الله يغفرلها انتبهت اني واكفة بمكاني  دخلت للبيت اجتني عليا تركض