اليتم وظلم المجتمع

بارت الرابع والثلاثون

#امنيه
#اليتم وظلم المجتمع

يابائع الورد هل صادفت محبوبتي؟
تهدى الى الورد الوان من الطيب
فقد بعثت اليها الف اغنية مع الحمام!
ولم يرجع بمكتوب!

..........
عليا:- جان خبر موت مهدي صدمة جبيرة بالنسبة الي  وبيوم جداً بشع جان يوم خطوبتي على انسان اكرها
مثل مايكره الانسان دم سنونة
بشاعة الشعور بذاك اليوم جانت كفيله بأن تطير عقلي
تصرفي جان خارج عن ارداتي جنت بس اريد اموت وياه بأي طريقة مااريد ابقى عايشة بعدة مااشوف اي شخص كدامي
لا اختي ولا اين كان بس من شفت مهدي كدامي
بسرعة تلاشت افكاري السوداوية  ماصدكت عيوني
جنت اريد الزمة المسه اشوف حقيقي او لا
بس يمنعني شعور انو الجم جرحة
جان وجعان كلش وهستوة متصوب
بس كابر على جرحة واجه لخاطري
وكدر يخطبني من خالي للمرة الرابعة تقريباً
من شفت خالي انحرج واضطر يقبل وسئلني كدام الكل
فرحت من كل كلبي وكلت الحمدلله رب ضارة نافعة
راح يتحقق حلمي واخذ الشخص اللي حبني وحبيته
بقيت ايام واني بداخلي الفرحة متنوصف وعلى امل تهدى الامور ويجي يخطبني
بس خاب ضني من خالي بقى يأجل بالخطوبة
ومن خيرني انو نتنازل عن بيت اهلنة مقابل يرضى على خطوبتي من مهدي هنااا من صدك اسودت الدنيا
بعيني تذكرت ابوي وامي وشلون جنه ملتمين ابيته
وحق اخواتي اتخيلت نفسي واني انطيهم بيتنه وافرحهم من بعد كل السوو بينه
مجرد تخيل كرهت روحي وكل الدنيا حتى مهدي طاب خاطري منه مااريدة ولا اريد ازوج اريد انتقم وبس
اريد ارجع حقي وحق اخواتي
بيومها الليل كلة الوب ومانمت افكر شاسوي واحرك كلبهم مثل ماحركوا كلبي
اذكرت سندس عدها موبايل  تضمة بالترك
تخابر بيه صحبانها كمت اتسحبت على كيفي
بكل هدؤ كلبي يركع اخاف واحد يلزمني
بس ماتراجعت دورت بالترك ماكو الموبايل فلك صابها مدري وين ملفلفتة بين طابوك كوة لكيته اخذته بسرعة ورجعت طافحة كبل للحمام دكيت رقم مهدي
يدك وينفصل مرتين بالثالثة يلا رد كوة يحجي الضاهر جان نايم
عليا:-    حجيت بدون مقدمات مهدي اني عليا اذا تحبني من صدك طالبتك بخدمة اريدك تسويلياها

مهدي:- بتعجب وهو يحاول يصحصح عليا؟ عليا؟

عليا:- اي عليا شبيك مهدي ركز وياي ماعندي وكت

مهدي:- اي مركز كولي شنو ااسويلج روحي ترخلصلج

عليا:- خالي مايقبل ينطيني الك

مهدي:- ادري بيه وادري بيه مو زلمة وماعندة كلمة بس مااتراجع لا تخافين ولاتفكرين

عليا:- تدري كلي انطيج لمهدي بس تتنازلين انتي واخواتج عن بيت اهلجن!

مهدي:- ايااا  عار حسافة محسوب عالزلم وخدر زينب

عليا:- مسحت دمعتي سكتة وكتلة
اريد تبلغ عن مرتضى يتع_اطى ويبيع مخد_ات
ويحطهن بالبيت ب__
ويبيع على شباب المنطقة صارلة اكثر من سنه