اليتم وظلم المجتمع

بارت الرابع والعشرون

#اليتم وظلم المجتمع

بقلمي #امنيه✒
.
.
اناالان
على حافة
كلشي على حافة
الانهيار على حافة
البكاء كعادتي
اشعر هذا الايام
اننا:
انا والبكاء شيء واحد!
ترى هل كنت دموعاً
في حياة اخرى؟..

....
عذراء :- عيني مورمة وتأذيني ورياض مايقبل ياخذني للطبيب ولا بيت خاله كلولة .. صار يخبث عليه بكلشي ويعاملني مثل الخدم بقيت على هذا الحال ومالي علاقة بيهم تمنيت عليا تشوفهم هيج يعاملوني جان شغلت خططها عليهم .. تذكرت من خلت شامبو لسندس ومن خلت حمرة بدشداشة خالي وصارت عركة   اخخ يا حبيبة روحي ياعليا شكد مشتاقتلها ومشتاقة لغصونتي ربيتها على ايدي طفلة تربي طفلة بنص الظلم والعوز بس الله موجود وياخذ حقنة ان شاءالله
...لاحضت
هالايام بت خال رياض  اسمها وردة تعاملها تغير وياي وصاير اسلوبها جاف وتتأمر وتعيب على لبسي وشكلي
مرة كلتلي انتي متستاهلين رياض انتي مبهذلة
رياض حلو ومرتب يستاهل وحدة تهتم بيه وتحبه
انتم ابد  ماشوفكم سوة ولا حتى بينكم حب واهتمام
ليش !
جاوبتها هاي خصوصياتنه ومايحتاج نطلعها كدامج

وردة:- منو كلج طلعهيا كدامي بس عالاقل سولفو بيناتكم  ابتسموا لبعض
ماكو مابينكم كلشي ماادري شلون تزوجتوا
انتم مجبورين؟
عذراء:- جنت اغسل بالملابس شمرتهن حيل وطفر المي على وجها وملابسها

وردة:- بغضب وحقد شبيج هيي تلفتيني متفتهمين لو متقصدة ترة ادري بيج حقيرة وتغارين مني

عذراء:- ببرود على شنو اغار منج اني ماعندي غيرة البنات وسوالفهن لان البيه مكفيني

وردة:- اصلاً انتي عبالك عجوز مو بنية اوووع
ماادري على شنو رياض ماخذج حتى لخواتج متروحين 
لازكة بيه لزك

عذراء:- راحت وبقيت صافنة اباوع وراها بلا هسة هاي شحجي وياها اني وين وهي وين ..مو حقي اصير عجوز من الظيم الشفته
.....................

عليا:- صافنة وافكر شلون اكدر انفذ الخطة اللي براسي الله لو صدك وتصير واشوف ام عويدل محروك كلبها على ابنها مثل ماحركت كلبي على اختي  يمكن راح اكون اسعد انسانة  طلعت بوجهي اخت مهدي
.... يمممه شبيج فززتيني

_بشنو صافنه وتفكرين خاف عاشكة

عليا:- هههه ايي ترة منزمان عاشكة بس هسة ماافكر بالحب

_ديلاامشي انفذ الخطة

عليا:- رحت يمها جانت امها بالمطبخ كلتلها غسلي المواعين علما اطبخ العشاء اليوم عليه ردت عليها بما معليه وبقت كاعدة وجانت امها مخبوصة وتطبخ وتغسل بالمواعين والمطبخ هوسة  صادف بيومها طبخ العشاء عليهن .. اجه مهدي جان لابس اسود وطابك حواجبه حصرتني الضحكة بس كوة لزمت نفسي