اليتم وظلم المجتمع

بارت السابع عشر

عذراء:- سحلني عادل من ايدي ودخلني للبيت الكل جان واكف ويباوع وفتت من يمهم من سحلني وابجي حيل خايفة منه  عليا تركض ورانة تتوسل بعادل يعوفني وغصون تباوع علينه واكفة بمكانها وتبجي وتاكل باصبيعها هاي حالتها من تخاف.. محد حن علينه وكالة وين ماخذها هي مالها ذنب محد كلة انت مالك حق تضربها كلهم جانوا مثل الشياطين يباوعون وساكتين  جان يريد يوصلني لوحدة من الغرف حتى يستفرد بيه ويتفنن  بتعذيبي كلبي من الخوف صرت اسمع نبضة بكل  مكان بجسمي كلت هاهية ماكو مفر جانت الصالة اللي بالبيت جبيرة بس الوقت مو هواي للوصول للغرفة بس تفكيري اللي فكرت بيه بلحضتها والافكار الاجتني من خوفي احس سنة... مستمر يجر بيه واني احاول اثكل نفسي حتى مااوصل للغرفة لان ادري شنو منتضرني دموعي بخدي واجر بروحي منه وعليا تتوسل بيه يعوفني  بس مايسمع النه فجأة اجه صوت جان المنقذ الي من الضرب المنتضرني 
التفت اشوف منو الي دبت بكلبة الرحمة على  البنات اليتيمات المالهن عزوة وقرر يساعدنة جان اشوف مهدي انصدمت ماجان ابالي هو ابد .. جان عصبي كلش وطابك حواجبه وبعدة بملابس الشغل يباوع لعادل بخزرة كال
مهدي:- عوفها شني تسحل بيها على يااساس انت تريد تعاقبها

عذراء:- عادل عافني ورجع لمهدي الي جان واكف وكف كبالة صفن بوجها بعدين كلة

عادل:- تحجي وياي؟

مهدي:- جاا احجي وي ابوي طبعاً وياك

عادل:- هه شبيك مهدي شني شارب شي ياهو مالتك انت

مهدي:- لا شارب ولا شي عوف هاي سوالفك على صفحة والابنية ماتمد ايدك عليها فاهم

عذراء:-  بقيت واكفةبمكاني اباوع الهم مهدي جان يحجي بنتر وعصبي كلش عادل من سمع كلامه وياه اتخبل يمثل البرود بس بالحقيقة داخلة بارود تقرب لمهدي وطبب على صدرة وكال

عادل:- حبيبي ابو صالح روح اخذ راحتك مااريد اتمشكل وياك

مهدي:- باوع عادل لا تضل تسوي سوالفك هاي اسمعني زين الابنية هاي اوغيرها ماتمد ايدك عليها الزلمة مايضرب مرة وانت مو ولي امرها حتى تضربها ترة انه شايف تعاملك وياهن هواي مو لان يتيمات تتقاوة عليهن اذا اهلهن ماكو احنه اهلهن الزم حدودك واعرف شلون تتصرف

عذراء:- اسمع كلامة ودموعي تصب جبر خاطري المكسور بكلماتة تمنيتة اخوي واتحامه بيه الله يرحمج ماما هسة عرفت ليش جنتي تردين النه اخو وعزوة .. كمل كلامة وراد يجي يحاجيني لزمة عادل من ياخته وصاح بوجهة

عادل:- انت ياهو ولك وجاي تحاسبني شدخلك بيها هااا احجي شعدك وياها

مهدي:- ههههه عرفتك ناقص وراح تلوف السالفة وتسويها عود عدي شي وياها لا تخاف انه مو مثلك اخلي عيني على عرضي لو اتحرش بعرضي انه زلمة ماارضى بالظلم وانت الجاي تسوي ظلم ولازم اوكفك عد حدك