اليتم وظلم المجتمع

بارت الثالث والثلاثون

#امنيه
#اليتم وظلم المجتمع
.
.
انه اول ابنادم
كلبه مايبرد
انه المبيوع
سد ب سد
انه الخلص حياته
يكول :
جا وحد؟
...
عذراء:- ٣ ايام كليوم تجي ام حسين يوم اجتني جابت فلوس حتى اجهز نفسي وكالت جهازهج بالبيت لاتشترين شي بس حضري نفسج
صالون وبدلة وحفافة
كتلها مااعرف صالونات ولا اندل وماعندي احد يروح وياي
كالت انه ادبرها ثاني يوم اجت جابتلي بدلة بيضة حلوة وهي شكم شغلة وكالت حجزتلج  وبنتي تجيج باجر
بقيت الليل كلة ميتة من القهر ومحتارة بحياتي  توسلت بخالي هواي  علمود يطلع عليا
ماا بقالي غير ساعات ابيتهم
واريد اودع اختي .. بقى يحجي وماراضي بس الضاهر مرته قبلت وخلتة يطلع عليا

نزلت عليا باوعتلي وكالت
عليا:- هااا رضيتي تردينة ؟
باجر عكبة مو تجين تبجين وتشكين
ترة انتي قبلتي بيه وراضية

عذراء:- شبيج عليا انتي اكثر وحدة تعرف وضعي وانتي كتيلي طلعي من هذا البيت

عليا:- ايي كتلج طلعي بس مو تذبين نفسج هيج ذبة
ترة لو انتي محتركة وهيج وضعج وهو مابيه شي
والله العظيم ماياخذج ابد لا هو ولا اهلة
بس لان من جانبهم يسونها علساس عادي ومابيها شي

عذراء:- وهسة اني شابيدي شسوي كليلي؟

عليا:- مابيدج شي هاهية روحي الله يوفقج بحياتج ويطلع ابن اوادم ان شاءالله

عذراء:- حضنتها وبجيت
يعز عليه فراكج يروحي ديري بالج على نفسج وعلى غصون ولا تعاندينهم بلكي الله يفرجها وتاخذين مهدي وتخلصين

عليا:- لا مااكدر ازوج بعد مااعوف غصون وحدها يمهم

عذراء:- باوعتلها بحيرة ماادري شاكول كلامها كلة صحيح بس شاسوي مابيدي شي
بقينه الليل كلة كاعدين
والصبح اجت زهراء ورحت وياها للصالون ساعتين
خلصت كلشي سوولي رفعة شعر بسيطة
ومكياج ولبست البدلة جان وياها  كعب وبرنص
واكسسوارت
زهراء:- اللهم صلي على محمد وال محمد
عين الباردة عليج شنو هذا الجمال

عذراء:- ابتسمت مجاملة بس كلبي يخفك بخوف وحيرة وقلق
رجعنة لبيت خالي لاكتني عليا كعدتني بالاستقبال جان بيه  كرسيين كعدت على واحد
عليا الدمعة بطرف عينها بس اتكابر وغصون بسرعة بجت حضنتها حيلل واني اطمنها انو مااعوفهن
ولا اروح بعيد بس بكلبي نار
ماجان احد معزوم ولا هلهولة ولا ايي شي بس ام عادل وبناتها واكفات شماتة
شوية وسمعت صوت السيارات لزمت ايدين اخواتي حيل جانن واكفات منا ومنا خفك كلبي بخوف
دخلت ام علي تهوس ووياها نسوان مااعرف بيهن بس زهراء
اللي  اجتني تركض بابتسامه باستني وسلمت على خواتي
وكالت
زهراء:- لاتخافن على عذراء والله اخليها بعيني
وان شاءالله موبعيدة عليكم تجيكم وانتن تعالن علينه
بعد البيت بيتجن صار