اليتم وظلم المجتمع

بارت الواحد والعشرون

#امنيه
#اليتم وظلم المجتمع

لُغَةُ العُيونِ تقولُ أنّكَ عاشقُ
فَعَلامَ صمتُكَ والهوى بكَ ناطقُ؟
لمّا نَظَرتُ إلى عُيونكَ أزهرَتْ
ما بيننا للياسمينِ حَـدائقُ
عَيناكَ تُخبرُني بأنّكَ لي هَوىً
سيُنيرُ رُوحي والشعورُ مُطابقُ.

عليا:- مشيت بسرعة للبيت صار الطريق شطولة كلبي يدك سريع ورجليه وحدة تتخبط بالثانيه وعقلي كلساع يعيد كلامه الي "احبج والخلق السماء بلا عمد"   بداخلي شعور فرح وبنفس الوقت حزن وخوف على عذراء وومن الواقع الاحنه بيه بالي متشتت امشي واسولف وي نفسي قطع صفنتي صوت مرت خالي ابو عادل وهي تصيح عليه  بسرعة كتلها ها خالة

ام عادل:- وخلخالة صارلي ساعة احاجيج انطرشتي؟

عليا:- ماادري ماسمعتج

ام عادل:- امشي روحي نضفي الغرف زين بس الكاعدين احنه بيهن ولمي ملابس الولد وغسليهن يلا كافي انطيناج وكت هواي مسوية روحج حزينة وتسويلنه تمثيلية من الصبح شمالها اختج شو تزوجت ونسترت احسن ماضالة كلساع خاتلة وي واحد

عليا:- راسي صار يفور من كلامها رديت عليها والدموع بعيني ..اختي اشرف منكم كلكم وماتسوي هاي السوالف كولي لابنج الي كلما شافها ويتحرش بيها مايكول عرضي وبنت عمتي بس ماعندة غيرة وناموس هو وابن عمه لو بيه خير جان انطيتي وحدة من بناتج بس هو زايعتة الكاع ومحد ينطي مرة لو يموت كلتي اضرب عصفورين بحجر واحد اخلص من عذراء وهم نزوج رياض بس اني الكم والزمن طووويل اطلعهن من عينكم وحدة وحدة

ام عادل:- ولج الخويسة طلعلج السان لفيناجن من الشوارع محد يريدجن لاعمام ولا خوال وحطيناجن ابيتنه ووكلناجن زادنة بس طلعتن عكارب.. تتوعدييلنه يبت سعاد خايبة انه الاصب على النار نفط ونشوف يو انه يو انتي اذا ماشمرتج مثل ماشمرت اختج فلا اتسمى ام عويدل

عليا:- ايدج وماتطيج
عفتها ودخلت للغرفة قفلت الباب وركضت لملابس عذراء مالكيتهن بس شال حضنته وبجيت بخنكه مااريد احد يسمعني .. رحت توضيت ومديت المصلاية والتربة ودعيت ربي يقويني وينصرني عليهم لازم اطلع من الظلم الاحنه بيه لازم اصير مثلهم واتلون اصير ذيب وثعلب ماكر حتى اكدر اخذ حقي وحق اخواتي .. طلعت من الغرفة رحت نضفت مثل ماكالتلي بهدؤ بس داخلي بركان فاتت من الغرفة باوعتلي ابتمست وكالت

ام عادل:- عفية صيري  حبابة احسنلج 

عليا:- عفتها ومشيت بيدي السطل ووصلة المسح والماسحة اسحل بيهن وصلت للمطبخ بعدني اريد اطلع للحوش اوديهن طب عادل ويمشي وراه سعيد يهدي بيه وهذا جنه ثور هايج مايشوف كدامه دفر الغراض البيدي وتبدة المي بالمطبخ ونوب سعيد يمشي ويصيح

سعيد:- دوخررري هسة صرتي نظيفة الا توازينة كبر لهل وجه

عليا:- بقيت صافنه لا اخذ ولااطي شبيهم ذول الحمدلله والشكر هزيت ايدي ومسحت المي وديتهن بالحوش وطبيت اسمع عادل يتعارك وي امه وسعيد يهدي بيه والنسوان تتسنط من ورة الباب ويسون روحهن يفترن ويسمعن وسندس وسلوى ولاجنهن عاد اني بسرعة جبت مكناسة بقيت بالصالة اسوي نفسي اكنس واتسنط