اليتم وظلم المجتمع

البارت الاول

سعاد:-اني حامل

عبد الامير:-صدك! الف مبروك حبيبتي ان شاءالله تكومين بالسلامة

سعاد:- وهي تبجي بس اني حيل خايفة

عبد الامير:- ليش البجي ياعيني من شنو خايفة قابل اول طفل اشو ثالث مرة ربي يرزقنة والحمدلله

سعاد:- وشلون اذا اجت بنيه وصارن ٣ بنات

عبدالامير:- وشبيها الابنيه شمحلاها  غير حنينه ومعدلة استغفري ربج لاتكولين هيج مايجوز ماكو فرق اذا ولد واذا بنيه اني اعرفج ماتهمج هيج سوالف

سعاد:- صحيح متهمني هيج سوالف بس والله مليت من حجي الناس واريد ولد اريد الهن اخو وعزوة يشيلهن

عبد الامير:- واذا الله سبحانة ماكاتب شنو يفيد البجي دمسحي دموعج ياعيني حجي الناس لا يقدم ولايأخر والناس ماتسكت ابد لو شتسوين احسن شي واحد يعيش حياته مثل مايحب وبما يرضي الله ومالة دخل بالناس يعيش مرتاح 

سعاد:-  وهي تمسح دموعها صحيح كلامك والله الناس ماتسكت ابد

عبد الامير:-  وهو يسحب ايدها يلا يروحي تعاي نروح يم البنات ضلن وحدهن

عذراء :-بابا باجر توديني للمدرسة لان المعلمة كالت كل وحدة تجيب ولي امرها

عبد الامير:-ايي حبيبتي اروح وياج شعندي غيرجن دكتورتي اريدج تصيرين دكتورة بكد الدنيا

عذراء:-بحماس بابا بعد شكد واصير دكتورة

عبد الامير:- باباتي هسة انتي بالثالث ابتدائي بعدلج متوسطة واعدادية وجامعة انتي بس شدي حيلج وان شاءالله مو هواي

عليا:-واني بابا اصير دكتورة

عبد الامير:- وهو يكعدها بحضنه انتي اميرتي الحلوة اريدج تصيرين مهندسة وارفع راسي بيج

عذراء:-بابا بس عليا بعدها بالاول ابتدائي

عبد الامير:- ميخالف بابا شوية شوية وتوصلون لحلمكم

سعاد:- يلا ماما روحوا نامو وراكم دوام

عذراء :-تصبحون على خير

سعاد وعبد الامير:- وانتي بخير يروحي

عليا:-  اني انام يمكم

سعاد:-لاماما نامي بجربايتج مو انتي اختاريتيها ام الباربي

عليا:- وهي مبرطمة بس اني اريد انام يمكم

عبد الامير:- يلا تعاي بابا يمنه هنا بنصنة
........................................................................
                           بعد مرور زمن

سعاد:- عذراء عليا ماماتي جيبوا غصون وتعالوا اكلوا سويتلكم كيكة

عذراء:- وهي تذمر اففف ماما هذا انكليزي الخامس اشو طلع صعب