اليتم وظلم المجتمع

بارت الحادي عشر

(بيت ابو علي)

علي:- مرت الايام وتزوجت زهورة وطلعت عروسة من ببت ابوها وبقة البيت خالي من صوتها امي بجت هواي عليها بعدين تعودنة صار اشهر من تزوجت بقيت انه اروح ١٥ يوم للدوام وانزل ١٥ يوم وحسوني كاعد بغرفتة شكد احاول اطلعة من القوقعة الحابس روحه بيها ماكدرت صار الوضع روتيني امي تروح لاخوانها وتروح لزهراء لان صار البيت وحشة عليها الا ان طلعتلي بسالفة جديدة

ام علي:- يمه اسمع مني والله ابنية تنحط بنص الكلب حبابة وحليوة ونعرفهم واختك عدهم دخل اخطبها الك

علي:- ماادري ليش من جابت طاري الزواج اجت على بالي الابنية الشفتها مااكدر اطلعها من عقلي دموعها وبجيها وصوتها هي وتشكي لاهلها طردت الافكار من راسي .. يمه حبيبتي ماافكر بالزواج انه رجال بالجيش اذا متت شني ذنبها الابنية وجهالي يبقون وراي

ام علي:- اسم الله عليك يبعد امك ان شاءالله يومي قبل يومك لاتكول هيج علاوي يمه لازم تزوج وتعيش حياتك واشوف جهالك والله يايمة اتاني اليوم التعرس بيه دقيقة دقيقة انه ضليت وحدي وانت تروح لدوامك وحسوني دوم ماينزل وزهراء راحت اريدك تزوج ندى اخت عزام خوش بنية وحليوة ها يمة شكلت

علي:- موابالي زواج ابد بس كلام امي قهرني  حقها باقية وحيدة عاالاقل اذا ازوج واروح للدوام تبقى المرة يمها ترد الوحشة عنها .. كتلها يمه خل افكر  واشوف
.........................................................................
(بيت تبارك)
ميلاد:- ماادري شلون سمعني انه جنت بالغرفة واخابر ما متوقعة بيوم رجلي يعرف عندي علاقة كل بالي اطلك واتزوج فاضل بدون مايعرف شي جان كلش عصبي وشكلة صار يخوف من كد العصبية خلة المسدس براسي وكال احجي منو هذا بديت احجيلة كلشي ولشتي كلها ترجف من الخوف اباوعلة كلما احجي شي يضغط على قبضة ايدة ختمت كلامي وانه اكلة فدوة استر عليه والله ماعيدها التوبة حتى الموبايل مااريدة بعد ابوس ايدك لا تفضحني باوعلي بخزرة ودار وجها عبالي راح يعوفني بس بعدني ماكملت فرحتي رجع ضربني بوكس على حلكي اتطشر الدم بالكاع وسني وكع بيدي ضليت اعيط من الوجع والتموا اهلة قفل باب الغرفة وصاح روحوا مناا لحد يتدخل بدة يضربني بالحزام وعياطي يجيب التايه لحد ماتعب وكعد مدد رجلية وحزامة بيدة وانه كاعدة بالزاوية يم الجرباية حلكي وخشمي يصبن دن وجسمي مااحس بيه من الوجع دنك راسة وحجة بقهر

محمد:- ليييييش ولج ليييش جبتج شريكة حياتي وثقيت بيج ماضل واحد ماسئلتة عليج يكولون بت اوادم ماشفنة منها العيبة تالي ولج طلعتي ساق__ة واهلج ماعرفوا يربونج انه غبي انه جبتلي وحدة ك__ة حطيتها بنص اهلي وبيتي بيتنه نضيف وطاهر جبت نكسة مثلج حطيتها بنص اهلي واخواتي عبالي شريفة

ميلاد:- يحجي عليه وعبالك بيتهم شريف حرك كلبي حيل ومر عليه كلشي سوتة تبارك كلت عليه وعلى اعدائي والله مااخسر انه وحدي باوعت عليه وكتلة... هههه بيتكم نضيف وطاهر انت نايم والماي يمشي من جواك.... سمعني هيج كلت وطفر علية لزمني من شعري