اليتم وظلم المجتمع

البارت الثاني

عذراء:- بقيت انضف بالمطبخ كملته ونشفت المي والحرك يسعر بكلبي كلشوي اذب عليه مي حتى يقل الوجع بس يرجع الوجع اكثر من القبلة دامسح وصاحني عادل ابن خالي شكد اكرها واكره تصرفاتة وياي هو عمرة ٢٣ ولازكلي وين مااروح نضراتة مو راحة رغم اني طفلة بس ادري بيه ابد مو راحة حتى صرت اخاف منه رتبت حجابي ورحت اشوفة شيريد ... هاا

عادل:- هلا ابت عمتي بلا امرن عليج حضريلي الحمام اريد اسبح

عذراء:- اهوو شلون ورطة حجيت بس اني مااعرف احضر الحمام يعني شلون

ام عادل:- وهي تخزر رتبي الحمام وخليلة منشف وملابس شيرادلها

عذراء:- رحت اسوي مثل ماكالت بس كوة عليه كملت وردت اطلع من الحمام لاكاني عادل مشيت بسرعة لزم ايدي

عادل:- اوكفي وين رايحة اريد احاجيج

عذراء:- خفت منه حيل كتلة واني اجر ايدي عوفني اريد اروح

عادل:- انتي شبيج خايفة مني شني  وحش  اكلج اريد احاجيج

عذراء:- لا خايفة ولا شي بس ميصير نحجي بالحمام عوف ايدي اريد اروح اكمل شغلي

عادل:- وانتي كلة شغل شغل كلما اريد احاجيج تتحججين بالشغل

عذراء :- الفضل يرجع لامك وبعدين شنو الحجي البيناتنة اني لابعمرك ولا ولد حتى تريد تحجي وياي جريت ايدي حيل وطلعت لاكتني سندس تباوع بشك

سندس:- شعندج وي عادل

عذراء :- ماعندي شي امج كالت حضريلة الحمام وحضرتة

سندس:- ايي عبالج ماشفتج لازم ايدج ويحجي وياج بسيطة الا اكول لابوي عليج

عذراء:- خفت منها حيل لان ادري محد يصدكني اذا كلت جذابة رحت واني ادعي بلكي تنسه بلكي تسكت اشتغل وافكر
.........................................................................
رياض:- الو ها فاضل شني تروح اليوم ؟

فاضل:- يمعود مابيه حيل حتى فلوس ماكو

رياض:- تعال انه اطيك فلوس شمالك جنك وحدة ارملة دمشي نتونس

فاضل:-خاب انت ماتمل شني طركاعتك

رياض:- يمعود هاي السوالف تمشي بدمي مااكدر اعوفها هسة شني تولي لو اشوف غيرك

فاضل:- يلا جايك
رياض:- كاعد يدخن منتضر فاضل دك جهازة تبارك

رياض:- الو ها تبارك

تبارك:-  بهمس شلونك حبيبي مشتاقتلك

رياض:- هلا والله هلا بهل الصوت صرت بنص الخير من سمعت صوتج

تبارك:- مشتاقتلك وينك صار يومين ماكو

رياض:- والله مشغول حبيبي انه هم مشتاقتلج هواي بس  شسوي مااكدر اعوف شغلي