اليتم وظلم المجتمع

بارت الثامن والثلاثون

#امنيه
#اليتم وظلم المجتمع
            .........
من قال ان الكلمات لاتفعل
        شيئاً       
انها تلمس وتغرق ونتقد وتدفئ
تجعلك تطير وتتسع
واحياناً تلصقك في الارض
     لتتمزق    
.....................
زهراء:- جنت كاعدة برة القسم اراجع لامتحاني  خابرتني اخت دكتور ظرغام تسأل اذا مداوم جاوبتها بأي مداوم
امتحنت وطلعت شفتها اجت متوجها لمكتب الدكتور
انه عفتها ماحاجيتها
واصلاً صار اكثر من مرة بس تخابر تسأل على اخوها اذا مداوم وتسدة واشوفها تجي بس مالي علاقة بيها
بقيت اتمشى وحدي لان استبرق مامداومة
شفت بنية اجت متوجها عليه كالت دكتور ظرغام يريدج بمكتبه!
بقيت صافنه وخفت اروح خاف مخططين خطة عليه
خاف تطلع جذب مو اختة
زين ليش يريدني واخته يمه ؟
رحت وانه ميتة من الخوف رجل اطك برجل وصلت لباب المكتب تذكرت الفشلة من رحت اتحمدلة بالسلامه
...اخذت نفس عميق بعدين دكيت الباب
كال اتفضل!
فتحت الباب بهدؤ شفته كاعد ورة  مكتبة ومرتجي على الكرسي ايد مخليها على يدة الكرسي وايد بيها قلم ينقر بيه عالمكتب بهدؤ ينرفز باوعت غادة جانت موجودة وعيونها حمر مبين باجية
... كلت السلام عليكم استاذ كلولي رايدني

ظرغام:-تفضلي استريحي!

زهراء:-كعدت بس عبالك كاعدة على نار وهاي غادة بس تباوع عليه
..هو باوعلي بعدين دار عليها سئلها هي هاي؟
واشر عليه بالقلم !
....باوعت عليه وكالتلة

غادة:- ظرغام الابنية معليها

ظرغام:-دكتور او استاذ ظرغام لو سمحتي احنه هناا بمكان عمل

زهراء:-كلبي يخفك كل قوتة احسه يريد يطلع من بين ضلوعي من الخوف
هو يباوعلها منتظر جوابها ... دنكت راسها وكالتلة اي هي
التفت عليه وكال تكدرين تروحين كمت بسرعة مامصدكة اطلع بس وكفت كال مو انتي هي يقصد غادة
اللي وكفت وكالتلة

غادة:- ظرغام بس اسمعني
خل افهمك الابنية مالها ذنب

زهراء:-رفع ايدة ياشر بانو تسكت هي من شافته هيج قافل خلت وطلعت بقيت انه واكفة وحاضنه جنطتي عبالك تطيني الامان

ظرغام:-تفضلي ليش واكفة لو لازم تستأذنين يعني؟

زهراء:-استاذ عندي محاضرة
اريد اروح

ظرغام:-مو مشكلة نستفسر منج بعدها تروحين
.. اي ست زهراء منو سمحلج تتدخلين بحياتي الخاصة

زهراء:-مامدخلة بحياتك
..بس حجيت هيج ركع المكتب بقبضة ايدة وكام من الكرسي صار وراي

ظرغام:-بصياح وعصبية بابا انتي منو دازج عليه
ياسمين؟

زهراء:- بجيت بقهر وكتلة استاذ والله ماادري عليمن تحجي

ظرغام:-لعد ليش بالمطعم الكاج كدامي من احجي وي اختي الكاج كبالنة وهسة صايرة  جاسوسة  لغادة حضرتج تشوفيلها شوكت اداوم وشوكت مااداوم
احجي بصراحة تطلعين بسلام اماا اذا تكذبين وتغيرين الكلام راح انزل بيج عقوبة واشكيج للعمادة هم يتصرفون وياج