اليتم وظلم المجتمع

بارت العشرون

#امنيه
#اليتم وظلم المجتمع
 
    " رغبة شديدة بالإختفاء عن هذا العالم واللجوء إلى العزلة ،"

عليا:-بعد كل الصار وتعبنه واستنزاف كل طاقتنه والقلق والخوف قبلت عذراء تزوج رياض!
او بالاصح جبروها جبر يعرفونها ضعيفة كدامنة ..
ونقطة ضعفها احنه هددوها بغصون اللي هي تعتبرها بنتها!
اني انعزلت بالغرفة بعد الكتل الي اكلتة بس اسمعهم واسمع تهديداتهم الها مر وقت قليل واجت يمي للغرفة مهزوزة ومقهورة باوعتلي بنضرة خايفة من ردة فعلي بداخلي ميته من القهر عليها وادري مابيدها بعد شي
بس شكلي ونضرتي يختلفن باوعتلها بعتب ودرت وجهي نمت بس ماغفيت وماخذت عيني نوم شوية وتقربت عذراء تحاجيني بهمس حتى اكوم اكل وياهن بس مالي نفس اكلت هي وغصون شوية وبعدها حاولنة انام وبالفعل نمت ..
الا ان كعدت الصبح اسمع هوستهم وناس كاعدة وشغلهن وطكطة الحياة ماشية عدهم ومرتاحين التفت على فراش عذراء فارغ بس غصون نايمه !
نغزني كلبي وكمت من فراشي  بخطوات متثاقلة وجع جسمي كل يصل عليه واحس نفسي مصخنه ..
خليت شالي على راسي وطلعت من الغرفة اباوع بالوجوه يباوعون عليه عبالك ضامين شي دورت عذراء
مالكيتها صار عندي مغص من الخوف وصرت اسألهم واحد واحد وين عذراء محد يجاوب اجت سلوى لزمت ايدي الترجف

سلوى:- اهدي عليا شبيج لا تخافين مابيها شي

عليا:- ماكو مالكيتها بفراشها واسئل ومحد يجاوبني سلوى فدوة كليلي تعرفين وينها

سلوى:- لاتخافين اخذها رياض وياه لبيت خالة يعيشون يمهم علمود عادل مهدد رياض يكتلة اذا مايطلكها

عليا:- عقلي نضرب صاعقة عبالك ماعرفت شسوي طلعت ركض اريد اوصل للباب واني اعيط بعلو صوتي عذررراء بعدني مواصلة للباب دخل مهدي من الشارع وجها مخطوف لزمني يهدي بيه واني  وادفع بيه بكل قوتي نبتت اضافري بيدة واني اعيط عوفني حقير عوفني كتلي لا تخافين اني يمج كلة جذب طلعت مثلهم الله لايوفقكم ولكم اختي ماتريد تزوج ولكم شلون تزوجونها لهذا النكس

مهدي:- عليا اهدي بس احاجيج شبيها عذراء

عليا:- عذراء اخذها رياض من البيت ماادري وين اخذ اختي ولكم غصون ماتكدر بدونها عذررررراء..
بقيت ابجي واقاوم بس ماكدرت تعبت واني منا ماماكلة وجسمي تعبان نحلت كلش كعدت بالكاع  ابجي بقهر..

مهدي:- بصوت اشبه بالهمس دموعج تغسلني يبعد روحي

بس سمعته بعدها فقدت الوعي من التعب والقهر فتحت عيني لكيت راسي بحضن مهدي وهو يحاول يكعدني صاح جيبوا مي ذب مي على وجهي فزيت من برودة المي بالنسبة لحرورة كلبي وجسمي سندتني سلوى واخت مهدي دخلوني للغرفة واني خاوية  احس كلبي يجويني منكد القهر شفت غصون كاعدة على فراشها خايفة ووجها مخطوف لونه صحتلها اجت يمي كالت وين عذراء وبجت بقيت اكل بروحي شاكلها هي كبرت مو ذيج الصغيرة المتفتهم  اختي لازم بالثاني ابتدائي بقيت اسكت بيها واقنعها انو عذراء صارت جبيرة وتزوجت بعد تجينه خطار بجت اكثر واحتاريت وياهاا...