اليتم وظلم المجتمع

البارت السادس

(بيت ابو علي)

زهراء:- يمه انه مااريد ازوج انه اريد ابقى يمج شلي بشلعان الكلب اصلا انه مااكدر اعوفج وحدج اذا اتزوجت منو يبقى وياج منو يساعدج بالبيت

ام علي:- شغلة البيت تدبر يمه اهم شي مستقبلج وتستقرين وتكونين عايلة انه مادايمتلج يمه اتزوجي وخليلج سند من بعد الله

زهراء:- انتي سندي من بعد الله وعلاوي وحسوني شريد من الدنيا بعد

ام علي:- ميخالف يمه كلنه مادايميلج يجي يوم واموتن واخوانج كلمن يلتهي ابيته وبمرتة وتضلين مخليه ايدج على خدج بعد امج انه شريدن غير راحتكم اريد هيج اشوفج معززة مكرمة بيت رجلج وجهالج ترس حضنج

زهراء:-  بس انه مااعرف عزام ولاشايفتة شلون اكدر ازوجة

ام علي:- تشوفينه ان شاءالله واذا عجبج هاهية واذا ماعجبج بكيفج وعلى الماتعرفينه يمه تتعرفين عليه بالخطوبة احسن ماتتعرفين عليه بالحرام وتصيرين رخيصة وتالي يعوفج

زهراء:- يمه والله اخاف شلون

ام علي:- عليمن تخافين ماكو شي يخوف يبعد امج  انتي مو صغيرة راح يصير عمرج ٢٠  اصغر منج ومكيفات عالزواج خليها على الله يمه ولاتخافين
.........................................................................
عليا:- بهمس ولج عذراء تعالي اكلج شي

عذراء :- شكو شبيج خوفتيني

عليا:- ولج سمعت سندس تخابر وتكول من شفتك بقيت بس افكر بيك وعرفتها تحجي وي ولد بالحمام

عذراء :- عزة بعينها ومحد سمعها ؟

عليا:- لا بس اني سمعتها الصبح قبل مايجون خالي والولد ونوب طلعت من الحمام تتمضحك وحدها وتصفن

عذراء:- شوفي عليا ديري بالج تصاحبين سندس وتعلمج على سوالفها التعبانة

عليا:- لا شمالني اني اصاحب هاي الجنها سلبوح خبيثة تنكط سم بس الا اكول لخالي عليها

عذراء:- اسكتي يمعودة شنو تكولين لخالي شعلينه بيها ترة احنا كوة عليهم متحملينه فدوة اسكتي ماعايزين مشاكل

عليا:- انتي شبيج خوافة نسيتي شتسوي بيج وشلون تخبث علينه خلي نردلها وحدة من اعمالها وخباثتها

عذراء:- عليا  انتي تدرين احنه مو كدها هي وامها عبالج خالي يصدكج ترة مرتة تطلع الف جذبة ونوكع احنه بيها اسكتي احسن

عليا:- اووو ديلا سكتت سكتت

غصون:- عذراء اريد من هاي الحلويات العد سندس  يومية تكليلي اجيبلج وماتجيبيلي

عذراء:- وج غصون منين اجيبلج ذني مايطن واني ماعندي فلوس

غصون:- بجت لعد ليش تكليلي اجيبلج

عليا:- غصون حبيبتي والله ماعدنة فلوس من يصير عدنة نجيبلج هواية حلويات

عذراء:- اباوع لغصون تبجي مترضة تسكت كل عمرها ٥ سنوات يربي شلون اسكتها رحت لسندس لكيتها مخلية علاكة حلويات بحضنة وتاكل فرحانة كتلها  انطي لغصون وياج دتبجي ومااكدر اسكتها وبس يصير عندي فلوس انطيج