اليتم وظلم المجتمع

بارت الخامس عشر

عذراء:- مرت الايام وتقريباً راح يصيرلنة سنة واحنه طالعين من المحافظة وعايشين بغير محافظة ماادري شكد راح نبقي على هذا  الحال رغم ماجانت شابعة ظلم وقهر يم بيت خالي بس احس احسن من هسة كومة عوائل وناس غصون كبرت وصارت السان يومية تتعارك وي جهالهم وهن ميقبلن ويضلن يصيحن ويغلطن عليها وعليا المااعرف شبيها صايرة بس تعدل بنفسها ومكابلة المرايا واني مخلصتها بس شغل تعبت من الشغل  ومليت سمعت البنات كالن راح نطلع العصر بالمزرعة ونسوي كعدة كلت خل اطلع وياهم ضوجة وملل بقينه الضهرية نحضر اني جابلي غراض وسويت كيك وهن بقن يسون دولمة وسلطة  للعشاء وحضرن ترامز جاي ومفرش نكعد عليه واخذن حلويات  كملنة كلشي كلهن راحن يبدلن ملابسهن باوعت لنفسي لابسة دشداشة بيجي وشال اسود كلت البس عباية فوكهن بس هن كلهن مالبسن عبايات بس امهاتهن لابسات عبايات بقيت كاعدة ويمي غصون لابسة تراكسود قديم بس حلو عليها غصون كلش بيضة على ماما الله يرحمها مشطلتها شعرها الحرير وطويل صارت تخبل ميحتاج تكشخ اباوع بالبنات  كشخن ولبسن ورتبن حتى سندس طلعت وياهن مبدلة وسلوى بقيت ادور بعيوني  على عليا ماكو طلعوا الولد يسولفون ويضحكون وياهم رياض وشايلين بيدهم شياش مال شوي ولحم وسمج يردون يشون رياض بس يباوعلي ويبتسم ساعة يغمز لعبت روحي من يمه بعد كل الصار مايتوب من سوالفة الخايسة درت وجهي منه احس بقرف من نضراتة دزيت غصون تدور على عليا شوية واجت

غصون:- عليا تبجي ماادري شبيها تكول مااريد اروح

عذراء:- طفرت من مكاني الخوف اكلني شبيها ليش تبجي الف فكرة اجت ابالي وصلت يمها .. شبيج عليا منو مضوجج احد سوالج شي شكو تبجين

عليا:- مابيه شي عذراء لتخافين بس مااريد اروح ضايجة

عذراء:- مساع جنتي فرحانة ومكيفة لان راح ترحين هسة شنو صار فجأة

عليا:- ماريد اروح بطلت بيش ترديني اروح بملابس البيت !

عذراء:- لا لبسي عباية فوكاهن شوفيني لبست عباية لعد منين اجيب ملابس

عليا:- وهي تبجي ماريد عباية اني بعدني صغيرة اريد البس مثل البنات

عذراء:- وكفت محتارة شسوي رحت لسلوى وصحتلها

سلوى:-  هاي شني عليا شو كاعدة بس لا ماترحين؟

عذراء:- عليا تكول مااروح ماعندي ملابس عادي تنطينها من ملابسج

سلوى:- طبعاً عادي اصلاً اخذن بدون ماتكللي

عذراء:- حبيبتي تسلمين .. يلا عليا كومي بدلي راح يرحون وانتي هناا كاعدة... بدلت عليا ورحنه بسيارة لان عدنة هواي غراض نزلنة بالمزرعة تجنن اول مرة بحياتي اشوف هيج زرع وخضار وهوى يفتح النفس حتى نفسيتي ارتاحت من شفتها البنات راحن  يركضن
فرشن المفارش وكعدنة عليهن والولد بدو يحضرون الشوي وصوت ضحكهم تسمعه المنطقة كلها كد مامنطلقين اني بقيت كاعدة يم نسوان خوالي وخالاتي بس البنات راحن يفترن ويلعبن توكيي ويشمرن حجار على شجرة النبك ويضلن يتعاركن عاليوكع اباوع لاخواتي واني مبتسمه  اول مرة اشوفهن هيج فرحانات ،حجت مرت ابن خالي  ابو رياض جانت كاعدة يمي