“ ကလေးရော ကလေးအဖေရော ကျန်းမာပါတယ် စိုးရိမ်စရာမရှိပါဘူး။ ဒါမယ့်အိပ်ရေးဝဝအိပ်ပေးပြီး အာဟာရဖြစ်မယ့်အစားအစာတွေ များများစားပေးပါနော်။ ဆေးလည်းပုံမှန်သောက်ပေးပါ။ မွေးဖို့နီးနေပြီဆိုတော့ ပိုပြီးဂရုစိုက်ပေးပါ။ လူနာက ရိုးရိုးမွေးမှာဆိုတော့ ကလေးကိုညှစ်ဖို့အားများများလိုအပ်ပါတယ်။ နေ့ဘက်တွေအိပ်တာလည်းကောင်းပေမယ့် ညဘက်လည်းအိပ်ရေးဝအောင် အိပ်ပေးဖို့လိုပါတယ်။ ”
“ ဒေါက်တာ ဒီထက်ပိုပြီး သူ့ကိုမအိပ်ခိုင်းပါနဲ့တော့ လူလည်းကြည့်ဦးတအားဝနေတာ ဗိုက်တောင်မပေါ်တော့ဘူး ဗိုက်ကြီးဝာာလား၊ ဘီယာဗိုက်လားတောင် မသဲကွဲတော့ဘူး၊ အစားကျစားချင်တာဆို ချက်ချင်းစားလိုက်ရမှကျေနပ်တာ ၊ လေ့ကျင့်ခန်းလုပ်ဖို့ဆို မနည်းချော့ခေါ်ရတယ် ဒေါက်တာရေ ”
ဦးမင်းကိုကို !!
သုခတစ်ယောက် စိတ်ဆိုးသည့်အချိန်တိုင်း ဒီလိုခေါ်လေ့ရှိသည်။ ကိုယ်ဝန်ဆောင်နေချိန်အတွင်း ကလေးကိုအကြောင်းပြကာ စားချင်ရာတွေစိတ်ကြိုက်စားနေရသောကြောင့် ယခင်ပိန်သေးသေး လူကောင်သေးသေးကနေ ယခုတော့အရင်ခန္ဓာကိုယ်ရဲ့ 2ဆဖြစ်နေလေသည်။ အရမ်းမဝသော်လည်း ဗိုက်လည်းထွက်နေသည်မို့ အရမ်းဝသလိုထင်ရသည်။
“ ဒီရက်ပိုင်း နေလို့မကောင်းတဲ့နေရာတွေ ရှိလား ဘာအဆင်မပြေတာတွေရှိသေးလဲ တအားအိပ်တယ်သာပြောတာ မျက်တွင်းတွေလည်းချိုင့်လို့ ”
“ ဟုတ်တယ်ဆရာရေ အဲ့တာအငိုလွန်လို့လေ လာခါနီးတောင် ငိုခဲ့သေးတယ် ”
“ အဲ့တာဘယ်သူလုပ်တာလဲ ကိုကိုဘဲငိုအောင်လုပ်နေတာမဟုတ်ဘူးလား ”
“ ကဲကဲ ကျုပ်ကကျန်းမာရေးပြသနာဘဲဖြေရှင်းတတ်တာ၊ လင်မယားပြသနာတွေမဖြေရှင်းတတ်ဘူး ဆေးစစ်တာအားလုံး အဆင်ပြေတယ်ဆိုတော့ နောက်တခါရက်ချိန်းကျမှ ပြန်တွေ့ကြတာပေါ့ ”
မင်းကိုကို သုခကိုတွဲပြီး ဆေးရုံမှထွက်လာချိန် ဒေါက်တာမှူးနဲ့မတော်တဆ တွေ့မိသည်။ သုခတစ်ယောက် မှူးဆီသွားဖို့လုပ်သော်လည်း မင်းကိုကိုက လက်ကိုအတင်းဆွဲထားသောကြောင့် မတတ်သာဘဲမသိချင်ယောင်ဆောင်လိုက်ကာ ကားဆီသို့ပြန်လာခဲ့လေသည်။
YOU ARE READING
Destiny
Romance" ခင်များမှ ခင်များဖြစ်နေတဲ့ ကျွန်တော့်ကို အရူးလုပ်သွားတာ သိပ်တော်လွန်းတယ်ဗျာ! " ဆက်ဆံရေးတစ်ခုကို ချစ်ခြင်းနဲ့ စတင်ပီး အမုန်းနဲ့ အဆုံးသတ်ဖို့ ဖြစ်လာခဲ့တဲ့အခါ အချစ်ကြီးရင်အမျတ်ကြီးတယ်ဆိုတဲ့ စကားအတိုင်း မောင်တစ်ယောက် အသက်ထက်ချစ်ရတဲ့ အကို့ကို ရက်စက်မိ...
